ඉදිරි පැය කිහිපයේ වාරියපොළ, නිකවැරටිය, මහව, කොබෙයිගනේ, බිංගිරිය, පල්ලම, හලාවත, ආරච්චිකට්ටුව සහ රස්නායකපුර ප්රදේශ ආශ්රිතව සුළු ගංවතුර තත්ත්වයක් ඇති විය හැකි බව, වාරිමාර්ග දෙපාර්තමේන්තුව පවසනවා.
ඒ, දැදුරු ඔය ද්රෝණියේ ඉහළ ප්රදේශවලට සැළකිය යුතු වර්ෂාපතනයක් ලැබීම හේතුවෙන්.
මේ හේතුවෙන් දැදුරු ඔය පහළ ප්රදේශවල වෙසෙන ජනතාවට දැඩි විමසිල්ලෙන් කටයුතු කරන ලෙස වාරිමාර්ග දෙපාර්තමේන්තුව දැනුම් දෙනවා.
මේ අතර, අධික වර්ෂාවත් සමඟ බදුල්ල දිස්ත්රික්කයේ පස් කඳු කඩා වැටීමේ අවදානමක් ඇතැයි, ආපදා කළමනාකරණ මධ්යස්ථානය පවසනවා.
බදුල්ල දිස්ත්රික් ආපදා කළමනාකරණ සහකාර අධ්යක්ෂ ඊ. එල්. එම්. උදය කුමාර මහතා සඳහන් කළේ පස් කඳු කඩා වැටීම හේතුවෙන් වැලිමඩ – පුහුල්පොළ මාර්ගය අවහිර වී ඇති බවයි.
තවද, බංගලාහත ප්රදේශයෙන් පස් කඳු කඩා වැටීම හේතුවෙන් නුවරඑළිය – නානුඔය මාර්ගයේ රථ වාහන ධාවනය එක් මංතීරුවකට සීමාකර ඇති බව වාර්තා වෙනවා.
මේ අතර හාතලේ ප්රදේශයෙන් පන්විල කබරගල මාර්ගයට පස් කන්දක් කඩා වැටීම හේතුවෙන් ඒ හේතුවෙන් එම මාර්ගයේ ගමනාගමනය ඇණහිට තිබෙනවා.
පොලීසිය සඳහන් කළේ අවදානම් පවුල් 2 ක් එම ප්රදේශයෙන් ඉවත් කළ බවයි.