කොවිඩ් වෛරසයෙන් ආරක්ෂාවීම සඳහා වෛරසය ආරම්භක කාලයේ පටන්ම මහජනතාව භාවිතා කරන මුහුණු ආවරණ හේතුවෙන්ද කොවිඩ් පැතිරීමේ අවධානමක් පවතින බව පරිසරවේදිනී ආචාර්ය අජන්තා පෙරේරා මහත්මිය අනතුරු අඟවනවා.
ඇය පෙන්වා දෙන්නේ රෝහල්වල මෙන්ම පෞද්ගලිකවද භාවිත කරන මුහුණු ආවරණ, ආරක්ෂිත ඇඳුම් සහ අත් ආවරණ විනාශ කිරීමේ නිසි ක්‍රමවේදයක් මේ වන තෙක් ක්‍රියාත්මක නොවන බවයි.
මේ හේතුවෙන් පාවිච්චි කරන ලද මුහුණු ආවරණ පරිසරයට මුදාහැරීම නිසා කොවිඩ් 19 වෛරසය පැතිරීමේ අවදානමක් ඇතැයි ඇය පවසනවා.
ඇය පෙන්වා දෙන්නේ නිවාසවලින් ඉවතලන මුහුණු ආවරණ පළාත් පාලන ආයතනවල අපද්‍රව්‍ය කළමනාකරණ වැඩපිළිවෙළ යටතේ රැගෙන යන අතර මේ හේතුවෙන් අපද්‍රව්‍ය කළමනාකරණ සේවකයන්ද වෛරසයට නිරාවරණයවීමේ අවදානමක් පවතින බවයි.
