මෙම සතිය තුළ අසනීප නිවාඩු වාර්තා කිරීමේ වෘත්තීය ක්‍රියාමාර්ගයකට එළඹීමට තීරණය කළ බව, මාර්ග සංවර්ධන අධිකාරියේ ඉංජිනේරු සංගමය පවසනවා.
එම සංගමයේ සභාපති පි.එච්. ගුණසිංහ මහතා සඳහන් කළේ, මාර්ග සංවර්ධන අධිකාරියේ බඳවාගැනීමේ පටිපාටියේ පවතින දුර්වලතා ඇතුළු ගැටලු කිහිපයක් මුල්කරගනිමින් මෙම පියවර ගන්නා බවයි.
කෙසේවෙතත්, මේ සම්බන්ධයෙන් මාර්ග සංවර්ධන අධිකාරියේ ප්‍රකාශකයෙකු ප්‍රකාශ කර තිබෙන්නේ, වෘත්තීය ගැටලු සම්බන්ධයෙන් ඉංජිනේරු සංගමය මෙතෙක් අධිකාරිය සමඟ කිසිදු සාකච්ඡාවක් පවත්වා නොමැති බවයි.
ඔහු වැඩිදුරටත් ප්‍රකාශ කර සිටියේ, අදාළ ඉල්ලීම් සම්බන්ධයෙන්ද ඔවුන් මෙතෙක් දැනුවත් කර නොමැති අතර, යම්හෙයකින් අසනීප නිවාඩු වාර්තා කළහොත් අතිරේක සේවකයින් යොදවා රාජකාරී වැඩ කටයුතු ආවරණය කරන බවයි.
