27 C
Colombo
Saturday, May 25, 2024

විස්සට පක්ෂ වූවන් නෙරපන්නැයි සමගි ජනබලවේගය නැවත කියයි

- Advertisement -

විසි වැනි ව්‍යවස්ථා සංශෝධනයට පක්ෂව ඡන්දය ප්‍රකාශ කළ මන්ත්‍රීවරුන්ට විනය පියවර ගැනීම් කඩිනම් කළ යුතු බවට හවුල්කාර පක්ෂ නායකයන් නැවත දැනුවත් කළේ යැයි සමගි ජනබලවේගයේ නිලධාරියෙක් ‘නිව්ස් 19’ ට පැවැසීය.

විසි වැනි සංශෝධනට පක්ෂව ඡන්දය දුන් ශ්‍රී ලංකා මුස්ලිම් කොංග්‍රසයේ හා සමස්ත ලංකා මුස්ලිම් කොංග්‍රසයේ මන්ත්‍රීවරුන් පිරිස ආණ්ඩුවේ රැස්වීම්වලට සහභාගී වන බවට පළ වූ මාධ්‍ය වාර්තාවලින් පසුව මෙම දැනුම් දීම කළේ යැයි එම නිලධාරියා කීය.

සමගි ජන බලවේගයේ ජාතික ලැයිස්තු මන්ත්‍රී ඩයනා ගමගේ, ශ්‍රී ලංකා මුස්ලිම් කොන්ග්‍රසයේ නසීර් අහමඩ්, ෆයිසාල් කාසිම්, එච් එම් එම් හාරිස්, සහ එම් එස් තවුෆික්, මුස්ලිම් ජාතික සන්ධානයේ ඒ ඒ එස් එම් රහීම්, සමගි ජන බලවේගයෙන් ඡන්දය ඉල්ලූ ද්‍රවිඩ මහජන පෙරමුණේ අරවින්ද් කුමාර් සහ සමගි ජන බලවේගයෙන්ම ඡන්දය ඉල්ලූ සමස්ත ලංකා මුස්ලිම් කොන්ග්‍රසයේ ඉෂාක් රහුමාන් පනත් කෙටුම්පතට පක්ෂව ඡන්දය ප්‍රකාශ කළ මහජන නියෝජිතයෝ වෙති.

මේ අතරෙන් ද්‍රවිඩ මහජන පෙරමුණේ මන්ත්‍රී අරවින්ද් කුමාර්ට එරෙහිව එම පක්ෂයත් ඩයනා ගමගේට එරෙහිව සමගි ජනබලවේගයත් විනය පියවර ගැනීම් ආරම්භ කළ ද සෙසු මන්ත්‍රීවරුන් පිරිසට විනය පියවර ගැනීම ආරම්භ කිරීමවත් එම පක්ෂ විසින් මෙතෙක් සිදුකරනු ලැබ නැත.

විසි වැනි සංශෝධනයට තමන් පක්ෂ වූයේ කොවිඩ් ආසාදිත මළ සිරුරු භූමදානයට අවසර දෙන පොරොන්දුව පිට යැයි එම මන්ත්‍රීවරුන් පැවැසුව ද ආණ්ඩුවේ නායකයන් කීප දෙනෙකු විසින්ම එම ප්‍රකාශ ප්‍රතික්ෂේප කරනු ලැබිණි.

RECENT ARTICLES - SINHALA

අල්ලපු ගෙදරින් විදුලිය ගන්න ගිය පුද්ගලයෙක් මරුට

තම නිවසේ විදුලිය විසන්ධි විම නිසා යාබද නිවසකින් විදුලිය ලබා ගැනිමට ගිය පුද්ගලයෙකු විදුලි සැර වැදි අද (24) පස්වරුවේ මියගොස් ඇතැයි හිනිදුම පොලිසිය පවසනවා. මෙසේ...

දියතලාව – හපුතලේ මාර්ගය වැසේ

ගස් කඩා වැටීමේ අවදානම හේතුවෙන් දියතලාව – හපුතලේ මාර්ගය අද (24) රාත්‍රීයේ වසා දැමීමට තීරණය කර ඇති බව ආපදා කළමනාකරණ මධ්‍යස්ථානය සඳහන් කරනවා. ඒ අනුව,...

අල්ලස් ගත් විදුහල්පතිවරයෙක් අත්අඩංගුවට

දරුවන්ගේ උදෑසන ආහාර වේල සැපයීමේ කටයුත්ත කරගෙන යෑම සඳහා ආහාර වේල සැපයීමේ ටෙන්ඩරය ලබාගත් කාන්තාවගෙන් රුපියල් විදුහල්පති රුපියල් 30,000ක අල්ලසක් ලබාගන්නා අවස්ථාවේදී අල්ලස් කොමිසමේ...

POPULAR ARTICLES

පොලිස් කාන්තාවගේ වීඩියෝ එක ගැන පොලීසියෙන් ප්‍රකාශයක්

ලියාපදිංචි සහිතකය නොමැතිව මධ්‍යම පළාතේ පුද්ගලයෙකු හට අයිති වාහනයක් සබරගමුව පළාත තුළ ධාවනය කළ රියදුරෙකුට පොලිස් කාන්තාවක් දඩයක් නියම කරන අයුරු දැක්වෙන වීඩියෝවක් මේ...

පාසල් නිවාඩුව ගැන විශේෂ නිවේදනයක්

දිවයිනේ සියලුම පාසල්වලට හෙට (22) දින නිවාඩු දෙන බව සමාජ මාධ්‍ය ජාල හරහා ප්‍රචාරය වන නිවේදනය අසත්‍ය බව අධ්‍යාපන අමාත්‍යාංශය දැනුම් දෙනවා. අධ්‍යාපන අමාත්‍යංශය නිවේදනය...

වාහන ආනයනය ගැන සුබ ආරංචියක්

රටේ අවශ්‍යතාවය පරිදි ඉදිරියේදී වාහන ආනයනය කිරීමට සූදානම් බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා. රාජ්‍ය අමාත්‍යවරයා මාධ්‍ය වෙත අදහස් දක්වමින් පවසා සිටියේ, වාහන...