පාසල් දරුවන් අයිස් ඇතුළු මත්ද්රව්යවලින් බේරා ගැනීම සඳහා පාසල වෙත පැමිණීමේ දී ඔවුන්ගේ බෑග් පරීක්ෂා කිරීමට කටයුතු කරන බව අධ්යාපන අමාත්ය සභානායක සුසිල් ප්රේමජයන්ත අද (07) පාර්ලිමේන්තුවේ දී ප්රකාශ කළා.
මේ පිළිබඳ චක්රලේඛය ඉදිරියේ දී නිකුත් කරන බවයි පාර්ලිමේන්තු මන්ත්රී පූජ්ය අතුරලියේ රතන හිමියන් නැගූ ප්රශ්නයකට පිළිතුරු දෙමින් අමාත්යවරයා කියා සිටියේ.
මේ අතර, මින් පෙර නොවූ ආකාරයේ ආර්ථික අර්බුදයකට ලක් වීම හේතුවෙන් ශ්රී ලංකාවේ ආහාර සුරක්ෂිතතාව නොමැති වීම හරහා මිලියන ගණනක ශ්රී ලාංකිකයන් දැඩි බලපෑමකට ලක් වී සිටින බව ලෝක ආහාර වැඩපිළිවෙළේ ආසියා සහ පැසිෆික් කලාපීය අධ්යක්ෂ ජෝන් එයිලිෆ් පවසනවා.
මේ වන විට ශ්රී ලංකාවේ පවුල් පහකින් හතරක්ම එක්කෝ ආහාර ප්රමාණය සීමා කිරීම් හෝ ආහාර වේල මඟ හැරීම සිදු කරන බව හෙළි වී ඇතැයි පවසන කලාපීය අධ්යක්ෂවරයා වැඩි දුරටත් සඳහන් කරන්නේ මේ තත්ත්වය නාගරික ප්රදේශවල තවත් බරපතල බවයි.