විරෝධතා නොමැති ප්රදේශවල අද (21) දිනයේ බස් රථ 25% ත් 30% ත් අතර ප්රමාණයක් ධාවනය කිරීමට අපේක්ෂා කරන බව ලංකා පෞද්ගලික බස් හිමියන්ගේ සංගමය පවසනවා.
විරෝධතාකරුවන් විසින් මාර්ග අවහිර කිරීම් හේතුවෙන් පෞද්ගලික බස් රථ සේවකයන්ටද සේවයට වාර්තා කිරීමට නොහැකි වී ඇති බවයි එහි සභාපති ගැමුණු විජේරත්න පවසන්නේ.
ඉන්ධන මිල ඉහළ යාම හේතුවෙන් පාසල් ළමයින් ප්රවාහන රථ ගාස්තු රුපියල් 1000-2000 අතර ප්රමාණයන්ගෙන් ඉහළ දැමෙන බව සමස්ථ ලංකා පාසල් ළමුන් ප්රවාහන සංගමය පවසනවා.
ඉන්ධන මිල ඉහළ යාම හේතුවෙන් තමන් දැඩි අසීරුතාවයට පත්ව ඇති බවයි එහි සභාපති මල්ශ්රී ද සිල්වා පවසන්නේ.
මේ අතර, හෙට දිනට පෙර ඉන්ධන මිල සහ බස් ගාස්තු අඩුකිරීමක් හෝ සේවයට වාර්තා කිරීම පහසුවන ක්රමවේදයක් සකස් කිරීමක් සිදු නොකරන්නේ නම් ලබන සඳුදා සිට රාජකාරී සඳහා වාර්තා නොකරන බව සංවර්ධන නිලධාරී සේවා සංගමයේ සභාපති චන්දන සූරියආරච්චි පවසනවා.