පොල් හොරකමකට පාසල් සිසුවෙක් අත්අඩංගුවට

කුරුණෑගල – කුඩා ගල්ගමුව ප්‍රදේශයේ නිවාස දෙකකින් පොල් සොරකම් කිරීමේ සිද්ධියක් සම්බන්ධයෙන් 13 හැවිරිදි පාසල් සිසුවෙකු ඇතුළු සැකකරුවන් 06 දෙනෙක් අත්අඩංගුවට ගෙන තිබෙනවා.
මෙම සැකකරුවන් නිවාස දෙකකින් පොල් ගෙඩි 1070ක් සොරකම් කර ඇති අතර ඒවායේ වටිනාකම රුපියල් 71,000කට අධික බවයි පැවසෙන්නේ.
මේ සම්බන්ධයෙන් ලැබුණු තොරතුරු මත සිදුකළ විමර්ශනයක දී සොරාගන්නා ලද පොල් තොගයෙන් කොටසක් සහ ඒවා ප්‍රවාහනය කිරීමට යොදාගත් කුඩා ලොරි රථයක් ද පොලිස් භාරයට ගෙන තිබෙනවා.
මේ සම්බන්ධයෙන් සැකකරුවන් 06 දෙනෙකු පොලිසිය විසින් අත්අඩංගුවට ගැනුනා.
ඔවුන් අතරින් 5 දෙනෙකු අවුරුදු 18, 21 සහ 22 යන වයස්වල පසුවන කුරුණෑගල, කුඩාගල්ගමුව ප්‍රදේශයේ පදිංචිකරුවන්.
අනෙක් සැකකරු 13 වියේ පසුවන පාසල් සිසුවෙක්.