නැගෙනහිර පළාත් ආණ්ඩුකාර සෙන්දිල් තොණ්ඩමන් මහතා ගමන් කරමින් තිබුණු නිල රථය යතුරු පැදියක ගැටී ඊයේ (19) සවස අනතුරකට ලක්ව තිබෙනවා.
අක්කරපත්තුව – අම්පාර මාර්ගයේ කොතතාවලි හංදියේදී මෙම අනතුර සිදුව තිබෙන බවට වාර්තා වනවා.
ආණ්ඩුකාවරයා ගමන් කරමින් තිබුණු රථය යතුරුපැදියේ ගැටීමෙන් යතුරුපැදිකරු හා එහි ගමන්කරමින් සිටි පසුපැදිකරු තුවාල ලබා තිබෙන බව පොලිසිය පවසනවා.
ආණ්ඩුකාරවරයාගේ නිල රථයේ රියදුරු මෙම අනතුර සම්බන්ධයෙන් සැකපිට පොලීසිය අත්අඩංගුවට ගෙන පසුව පොලිස් ඇප මත නිදහස්කර තිබෙන බවට වාර්තා වනවා.
නැගෙනහිර පළාත් ආණ්ඩුකාරවරයා අඩ්ඩාලච්චේන රෝහලේ නව ගොඩනැගිල්ල විවෘත කිරීමේ උත්සවයකටද ඊයේ සහභාගිවී තිබෙන අතර එම ගොඩනැගිල්ල අංග සම්පූර්ණ නොකර විවෘත කිරීමට එරෙහිව විවෘත කිරීම සම්බන්ධයෙන් රෝහල ඉදිරිපිට ඊයේ ප්‍රදේශවාසීන්ගේ උද්ඝෝෂණයක්ද පවත්වාතිබෙනවා.
