දිනේශ් ෂාෆ්ටර්ගේ මළ සිරුර පංච පුද්ගල විශෙෂඥ අධිකරණ වෛද්ය මඩුල්ලක් ඉදිරියේදි අද (25) පෙරවරුවේ ගොඩ ගනු ලැබුවා.
ඒ අනුව ගොඩගත් දේහය නැවත පශ්චාත් මරණ පරික්ෂණයක් පැවැත්විම සඳහා අද සවස කරාපිටිය රෝහලේ අධිකරණ වෛද්ය මෘත ශරිරාගාරය වෙත රැගෙන ගොස් තිබෙනවා.
කරාපිටිය වෛද්ය පීඨයේ අධිිකරණ වෛද්ය විද්යාව පිළිබඳ මහාචාර්ය යූ.සී.පී.පෙරේරා, කරාපිටිය රෝහලේ විශෙෂඥ අධිකරණ වෛද්ය නිලධාරි රොහාන් රුවන්පුර යන මහත්වරුන් ඇතුලු පංච පුද්ගල අධිකරණ වෛද්ය නිලධාරි මණ්ඩලයක් හමුවේ කරාපිටිය රෝහලේදි පශ්චාත් මරණ පරික්ෂණය පැවැත්විමට නියමිත බව සඳහන් වෙනවා.
ව්යාපාරික දිනේෂ් ෂාෆ්ටර්ගේ මළ සිරුර බොරැල්ල කනත්තේ තිබියදී පසුගිය වසරේ දෙසැම්බර් 15 වනදා දෑත් බැඳ ප්ලාස්ටික් පටියකින් ගෙළ සිරකර සිය මෝටර් රථය තුල දමා සිටි සොයා ගත්තා.
51 හැවිරිදි වියේ පසුවූ දිනේෂ් ෂාෆ්ටර් කොළඹ 10 මල්පාර ප්රදේශයේ පදිංචි ප්රකට ව්යාපාරිකයෙකු වන අතර ඔහු ජනශක්ති රක්ෂණ සමාගමේ අධ්යක්ෂකවරයා ද වනවා.
එහිදී දේහය පිළිබඳ සිදුකළ පශ්චාත් මරණ පරීක්ෂණයේදී අනාවරණ වූයේ දිනේෂ් ෂාෆ්ටර්ගේ මරණය ගෙළ සිර කිරීමකින් සිදුව ඇති බවයි.
ඒ අනුව, මරණය සම්බන්ධයෙන් අපරාධ පරීක්ෂණ දෙපාර්තමේන්තුව ද පරීක්ෂණ ආරම්භ කළ අතර එහිදී දිනේෂ් ෂාෆ්ටර්ගේ සිරුරට විෂක් ශරීර ගත වී තිබූ බවට ද කරුණු අනාවරණ වී තිබුණා.