පාසල් සිසුන්ගෙන් ලක්ෂ 6 ක පිරිසක් උදෑසන ආහාර වේල නොගෙන පාසල් පැමිණෙන බව හෙළිවූ බව පාඨලී චම්පික රණවක මහතාගේ ප්රධානත්වයෙන් යුතු ක්රම සහ විධි පිළිබඳ පාර්ලිමේන්තු කාරක සභාව පවසනවා.
පාසල් දරුවන්ට ආහාර ලබාදීමේ වැඩපිළිවෙළ ක්රියාත්මක කිරීමෙන් පසු දරුවන් පාසලට පැමිණීම වැඩි වී ඇතැයිද එම කාරක සභාවේදී තොරතුරු අනාවරණය වි තිබෙනවා.
එසේම, ප්රාථමික ශ්රේණිවල පාසල් දරුවන්ට ආහාර ලබා දීමේ වැඩපිළිවෙල සම්බන්ධ ප්රගතිය සම්බන්ධයෙන් වර්තාවක් ලබා දෙන ලෙස ද කාරක සභාව මගින් අධ්යාපන අමාත්යංශය දැනුවත් කර තිබෙන බවද සඳහන්.
පාසල් දරුවන්ට ලබාදෙන ආහාර වේල සඳහා වසරකට රුපියල් කෝටි 1600 කට වැඩි මුදලක් වැය වන බවද එහිදී සඳහන් වනවා.
පාසල් සිසුන්ට ආහාරවේලක් ලබාදීමේ වැඩපිළිවෙළ සඳහා ආධාර ලබාදීමට කැමති විදෙස්ගත ශ්රී ලාංකිකයන් සඳහා විධිමත් ක්රමවේදයක් සකසන ලෙසද කමිටුව විසින් උපදෙස් ලබා දී තිබෙනවා.