පක්ෂයේ තීරණවලට පටහැනිව කටයුතු කිරීම හේතුවෙන් සමඟි ජන බලවේගයේ පාර්ලිමේන්තු මන්ත්රී ඒ. එච්. එම්. ෆවුසි මහතාගේ පක්ෂ සාමාජිකත්වය අත්හිටුවීමට එම පක්ෂය තීරණය කර තිබෙනවා.
ඊයේ (8) පස්වරුවේ රැස්වූ සමගි ජන බලවේගයේ කෘත්යාධිකාරි මණ්ඩලය මෙම තීරණය ගෙන ඇති බව සඳහන්.
ඊට අමතරව මේ සම්බන්ධයෙන් ඉදිරි කටයුතු කිරීම සඳහා පක්ෂයේ විනය මණ්ඩලයට පැවරීමට පක්ෂ කෘත්යාධිකාරී මණ්ඩලය තීරණය කර තිබෙනවා.
ඒ. එච්. එම්. ෆවුසි මහතා ජාත්යන්තර මූල්ය අරමුදලේ ණය පහසුකම ලබාදීම පිළිබඳව පාර්ලිමේන්තු විවාදයේ යෝජනාවට පක්ෂව ඡන්දය පාවිච්චි කිරිමට පසුගියදා අප්රේල් 28 වනදා තීරණය කළා.
සමඟි ජනබලවේගයේ කොළඹ නගරාධිපති අපේක්ෂක ලෙස ඉදිරිපත් වීම හේතුවෙන් මුජුබර් රහුමාන් මහතා සිය පාර්ලිමේන්තු මන්ත්රී ධුරයෙන් ඉවත් වීමෙන් පුරප්පාඩු මන්ත්රි ධුරය සඳහා ෆවුසි මහතාට යළිත් පාර්ලිමේන්තුව වෙත පිවිසීමට අවස්ථාව හිමි වුණා.