වෙලින්ටන් හි පැවැත්වෙන ශ්‍රී ලංකා – නවසීලන්ත දෙවන ටෙස්ට් තරගයේ ආරම්භය වර්ෂාව හේතුවෙන් පමා වුණා.
ඒ අනුව තරගය ආරම්භ වුණේ පස්වරු 2.10ටයි.
කාසියේ වාසිය හිමි කරගත් දිමුත් කරුණාරත්න පළමුව පන්දු යැවීම තෝරා ගත්තා.
පළමු තරගයේදී පන්දුවට පහරදීමේ දී මෙන්ම කඩුලු රැකීමේදීත් දුර්වල ක්‍රීඩා විලාශයක් පෙන්නුම් කළ නිරෝෂන් දික්වැල්ල වෙනුවට නවක ක්‍රීඩක නිශාන් මධුෂ්කට ටෙස්ට් වරම් හිමි කරදීමට තේරීම් කමිටුව තීරණය කර තිබුණා.
නිශාන් ශ්‍රී ලංකාව වෙනුවෙන් ටෙස්ට් වරම් දිනූ 163 වැනි ක්‍රීඩකයායි.
පළමු තරගයේදී ආබාධයකට ලක් වූ නවසීලන්තයේ නීල් වැග්නර් වෙනුවට ඩග් බ්‍රේස්වෙල් කණ්ඩායමට කැඳවා තිබෙනවා.
මේ වන විට පළමු ඉනිම ක්‍රීඩා කරන නවසීලන්ත එක් කඩුල්ලක් දැවී ලකුණු 100ක් රැස් කරගෙන සිටිනවා.
දැවී ගිය එකම කඩුල්ල ලබා ගත්තේ කසුන් රාජිතයි
