2023 ලෝක කුසලාන එක්දින ක්‍රිකට් තරඟාවලියේ ශ්‍රී ලංකාව සහ ඉන්දියාව අතර තරඟය අද (02) පැවැත්වෙනවා.
එහි කාසියේ වාසිය දිනාගැනීමට ශ්‍රී ලංකා කණ්ඩායම සමත් වුණා.
ඒ අනුව, ඔවුන් පළමුවෙන් පන්දු රැකීමට තීරණය කළා.
තරඟය මෙරට වේලාවෙන් පස්වරු 2.00ට වන්කඩේහිදී ආරම්භ වීමට නියමිතයි.
මේ අතර, අද තරඟය සඳහා ධනංජය ද සිල්වා වෙනුවට දඟ පන්දු යවන ක්‍රීඩක දුෂාන් හේමන්ත කණ්ඩායමට කැඳවා තිබෙනවා.
මෙම තරඟය ඉතාමත් තීරණාත්මක වන අතර ශ්‍රී ලංකාවට අවසන් පූර්ව වටයට සුදුසුකම් ලැබීමේ බලාපොරොත්තුව තවදුරටත් රඳවා ගන්නට නම් ඔවුන්ට ඉතිරිව තිබෙන තරඟ තුනම ජයගෙන ශුද්ධ ලකුණු වේගයද ඉහළ මට්ටමක රඳවා ගත යුතු වෙනවා.
මීට අමතරව ඕස්ට්‍රේලියාව හෝ නවසීලන්තය සහභාගීවන මීළඟ තරග තුනෙන් දෙකක් පරාජය වන්නටත් සිදුවනවා.
එමෙන්ම, මේ වන විට ලෝක කුසලාන තාර්ඟාවලිය තුළ අපරාජිතව සිටින ඉන්දියානුවන් මෙම තරඟය ජයගත හොත් ඔවුන් අවසන් පූර්ව වටයට සුදුසුකම් ලබනවා.
