ශ්‍රී ලංකා කණ්ඩායම ලැබූ නින්දා සහගත පරාජයත් සමඟ ශ්‍රී ලංකා ක්‍රිකට් තේරීම් කමිටුව සහ ආයතනයේ පරිපාලකයින් වහාම ඉල්ලා අස්විය යුතු බව පවසමින් දේශපාලඥයින්, සිවිල් ක්‍රියාකාරින් මෙන්ම ක්‍රීඩාලෝලින්ද චෝදනා කරනවා.
එවැනි පසුබිමක ඊයේ (03) සිට ශ්‍රී ලංකා ක්‍රිකට් ආයතනයට දැඩි පොලිස් ආරක්ෂාවක් යොදවා තිබෙනු දක්නට ලැබුණා.
එමෙන්ම අද (04) දිනයේත් පාර්ශව කිහිපයක් විසින් විරෝධතා සංවිධානය කර ඇති බව වාර්තා වෙනවා.
ශ්‍රී ලංකා කණ්ඩායම පසුගියදා ලද අන්ත පරාජයත් සමඟ වත්මන් ශ්‍රී ලංකා ක්‍රිකට් පරිපාලකයින්ට සහ තේරීම් කමිටුවට සමාජ මාධ්‍ය තුළින්ද දැඩි විවේචන එල්ල වෙමින් පවතිනවා.
එහිදි ක්‍රීඩාලෝලීන් සමාජ මාධ්‍ය ඔස්සේ GoHomeSLCBoard ලෙස මේ වෙනුවෙන් හෑෂ් ටැග් ව්‍යාපාරයක්ද නිර්මාණය කර ඇති අතර ඔවුන් පවසන්නේ වත්මන් ක්‍රිකට් පරිපාලකයින් සහ තේරීම් කමිටුව වහාම සිය ධුරවලින් ඉල්ලා අස්විය යුතු බවයි.
