වෛද්‍ය සභාවේ වත්මන් තත්වය පිළිබඳව කනස්සල්ල පළ කරමින් හා වෛද්‍ය වෘත්තිකයන්ගේ අධ්‍යාපන සහ සදාචාරාත්මක ප්‍රමිතීන් සඳහා වන නියාමන ආයතනය පාලන බලපෑම් වලින් නිදහස් යුතු බව ශ්‍රී ලංකා වෛද්‍ය සංගමය නිවේදනයක් නිකුත් කරමින් පවසා ඇත.
සෞඛ්‍ය අමාත්‍යවරිය විසින් පත්කරන ලද කමිටුවක නිර්දේශ මත මේ වන විට ශ්‍රී ලංකා වෛද්‍ය සභාවේ සාමාජිකයන් පස් දෙනෙකු ඔවුන්ගේ තනතුරුවලින් බවත් කර ඇතත් වෛද්‍ය ආඥා පනතේ 15වැනි වගන්තියට අනුව වෛද්‍ය සභාවේ සාමාජිකයෙකු ඉවත් වන්නේ නම් ඔහු විසින් තම ඉල්ලා අස්වීම ලිඛිතව ජනාධිපතිවරයාට හෝ රෙජිස්ටාර් වෙත යැවීමෙන් පසුව අදාල ඉවත්වීම සිදු වන බව එම නිවේදනයේ සදහන් කර ඇත.
ශ්‍රී ලංකා වෛද්‍ය සභාව විසින් ගනු ලබන සියලුම තීරණ සාමූහිකව ගනු ලබන බවත් ඒවා සමස්ත සභාවේ හෝ බහුතර ඡන්දයෙන් ගනු ලබන නිසා සභාවේ සාමාජිකයන් ඊට බැඳී සිටින බවත් එබැවින් අදාළ කමිටුව විසින් ගත් තීරණ පිළිබඳව නැවත සලකා බලන ලෙසත් එම නිවේදනයේ දැක්වේ.
