ගෝඨාභය රාජපක්ෂව ජනාධිපති ධූරයට පත් කිරීම සඳහා තමා ඇතුළු දිස්ත්රික් නායකයන් විශාල කාර්යභාරයක් කළ බවත් එවැනි දිස්ත්රික් නායකයන්ව අතහැර ගමනක් ගියහොත් වත්මන් ජනාධිපති රනිල් වික්රමසිංහ හට විශාල අඩුපාඩුවක් වනු ඇති බවත් අනුරාධපුර දිස්ත්රික් ශ්රී ලංකා පොදුජන පෙරමුණු පාර්ලිමේන්තු මන්ත්රී එස්.එම්.චන්ද්රසේන පවසනවා.
ඒ, ඊයේ (19) ශ්රී ලංකා පොදුජන පෙරමුණේ ප්රධාන කාර්යාලයේදී පැවති මාධ්ය හමුවක් අමතමින්.
දැනට පත්කර ඇත්තේ තාවකාලික කැබිනට් මණ්ඩලයක් බැවින් ඒ ගැන ජනාධිපතිවරයා කල්පනා කර බලා කැබිනට් සංශෝධනයක් සිදුකළ යුතු බවයි මන්ත්රීවරයා පෙන්වා දෙන්නේ.
“තාවකාලික කැබිනට් එකක් පත් කළේ. අපිට කිව්වේ තාවකාලිකව ඕක පත්කළේ කියලා. තාවකාලික උනාට දැන් දිගට ඇදුනා. ඇදුනත් වැඩියි. ඒ නිසා. ඒ නිසා කැබිනට් මණ්ඩලයක් පත් කරයි. අපිට අවස්ථාවක් දෙනවද නැද්ද කියන එක ජනාධිපතිවරයා තීන්දු කරයි.”
කෙසේ නමුත් කැබිනට් සංශෝධනයක් සිදුවිය යුතු බවත් කැබිනට් මණ්ඩලය විශාල කිරීමට ව්යවස්ථාවෙන්ම ඉඩ ලබාදී ඇති බවත් ඔහු පවසනවා.
“ව්යවස්ථානුකූලව 30ක් පත් කරන්න පුළුවන්. කැබිනට් ඇමතිවරු 30යි, රාජ්ය ඇමතිවරු 40යි. දැන් ඉන්නේ කැබිනට් ඇමතිවරු 20යි, රාජ්ය ඇමතිවරු 38යි. ව්යවස්ථානුකූලවම එහෙම පත් කරන්න පුළුවන්. ඒක ජනාධිපතිවරයාගේ අයිතියක්. ආරංචියක් තියෙනවා එහෙම පත් කරයි කියලා”