33 C
Colombo
Thursday, April 18, 2024

අයවැයට කලින් සිගරට් කම්පැණියට ලාබ ගන්න- මිලියන 3150ක ණයක් (හෙළිදරව්ව)

- Advertisement -


කතාව කෙටියෙන්ම මෙහෙමයි, සිගරට් මිලියන 55ක් ගන්නට ආණ්ඩුවේ බැංකුවකින් රුපියල් මිලියන 3150 ණයක් දෙන්න ලෑස්තියි.


අයවැයෙන් සිගරට්වල ගාණ වැඩිවෙන්න කලින්ම ඒක දැනගෙන, මහා සිගරට් තොගයක් ස්ටොක් කරලා, ඒක වැඩි මිලට විකුණලා ලාභ ලැබීමේ කතාවක් තමයි අපි මේ හෙළිදරව් කරන්නේ.


2020 අයවැය යෝජනා ඉදිරිපත් කළේ නොවැම්බර් 17 වැනිදා. ඒ අතර සිගරට් සඳහා බදු වැඩිකිරීමේ යෝජනාවකුත් තිබුණා.


නිකමට හිතන්න, කවුරුහරි සමාගමක් ඒ යෝජනාව ක්‍රියාත්මක වෙන්න කලින් සෑහෙන කාලෙකට ඇතිවෙන්න අති දැවැන්ත සිගරට් ස්ටොක් එකක් සල්ලිවලට අරගෙන, වැඩිවෙච්ච මිලට වික්කොත්.


අයවැයේ ලාභෙ යන්නෙ ආණ්ඩුවට නෙවෙයි, සිගරට් පාරිභෝගිකයටත් නෙවෙයි. සිගරට් නොබොන රටේ ඉතිරි මිනිස්සුන්ටත් නෙවෙයි. සිගරට් විකුණන ධන කුවේරයන්ට. එතකොට අර අයවැය යෝජනාව නිකම්ම සිගරට් විකුණන අය වෙනුවෙන් ගෙනාපු යෝජනාවක් වෙනවා.


ඒ නිසා අයවැය එන්න කලින්, අයවැයෙන් සිගරට් මිල වැඩි කරනවා කියන කතාව ලීක් කරලා තිබුණොත් ඒක ප්‍රශ්නයක්.


දැන් පේන විදියට වැඬේ ලීක් වෙලා.


ඒ යෝජනාව ක්‍රියාත්මක වෙන්නට කලින්, අඩු මිලට අති දැවැන්ත සිගරැට් තොගයක් මිලදී අරගෙන, වැඩි මිලට ඒ සිගරැට් විකුණලා රුපියල් මිලියන 7697ක ලාභයක් ලැබීමේ සැලසුමක් වාර්තා වෙනවා. ඒ වෙනුවෙන් ලංකා බැංකුවෙන් බිලියන 3.150ක, ඒ කියන්නේ මිලියන 3150ක ණයකුත් ඉල්ලලා. වැඬේට බැංකුවෙන් අනුමැතියත් ලැබිලා.


මේ ණයත් අරන්, සිගරට් ස්ටොක් කරලා ලාභය ලබන්නෙ ඩී.එස්. ගුණසේකර කියන කම්පැණිය. සමහරු ඩී.එස්. ගුණසේකර කියන නම බස් හින්දා දැනගෙන හිටියත්, එයාලා සිගරට් විකිණිල්ලෙන් ගොඩක් ලාභ හොයනවා. ඒ සමාගම සිගරට් ගන්නේ සිලෝන් ටුබැකෝ කම්පැණියෙන්.


දැං අයවැයට කලින් මහා සිගරට් තොගයක් ගන්න සල්ලි කොහෙන්ද කියන ප්‍රශ්නෙට තමයි ලංකා බැංකුව සරණෙට එන්නේ.


බලන්නකෝ වැඬේ, ආණ්ඩුවෙන් අයවැය ගේනවා… ආණ්ඩුවේ බැංකුවකින් ණයකුත් දෙනවා. ණය දෙන්නේ මාස හයකින් ගෙවන්නලු. මේ වැඩෙන් ලංකා බැංකුවට ලැබෙන ලාභය රුපියල් මිලියන 85ක්. ඉතින්, ඩී.එස්. ගුණසේකර කම්පැණියට ලැබෙන මිලියන 7697 ලාභෙ එක්ක ගත්තම ඒක හරි පුංචියි.


මේ ණය ඉල්ලන එකේම තියෙනවා, ඉස්සරහ මාස තුන ඇතුළත සිගරැට් මිල වැඩිවේවි කියන බලාපොරොත්තුවෙන් ණය ඉල්ලුම් කරනවා කියලා. තව තැනක තියෙනවා ඉතා ළඟ අනාගතයේදී සිගරැට් මිල වැඩිවෙන බව. ඉක්මනින් ණය අනුමත කරන්න ඕනෑ කියලත් ඒ ඉල්ලීම්වල තියෙනවා.

වැඬේ හදිස්සි නිසා අර සම්පූර්ණ ණයෙන් රුපියල් මිලියන 1000ක් දෙන්න සැප්තැම්බර් 14 වැනිදා වෙද්දීම හදිසි අනුමැතියකුත් දීලා. ඊටපස්සේ ඉතිරි 2150ට අනුමැතිය ගන්න කාලය ඉල්ලලා.


මීට කලින් ගත්ත ණයත් එක්ක ලංකා බැංකුවෙන් මේ දක්වා එයාලා අරන් තියෙන ඔක්කොම ණය වල එකතුව රුපියල් මිලියන 3807ක්. ලේසි පහසු ණය තොගයක් නෙවෙයි දීලා තියෙන්නෙ. පුංචි මිනිස්සුන්ටත් එහෙම ණය දෙනවනං.


දැං ගන්න යන සිගරට් තොගයට යන වියදමෙන් සීයට අනූවක්ම දරන්නේ බැංකුව. ඒත් බිස්නස් එකෙන් ලාභ ලබන්නේ කම්පැණිය. මරු.


දැං මේ මහා සිගරට් තොගය ගන්නේ අංක 38, විමලවත්ත පාර, මිරිහාන, නුගේගොඩ කියන තැනෙන්. සිගරට් 10,000ක් දාන්න පුළුවන් ලොකු යකඩ පෙට්ටිවල දාලා මේවා තැන්පත් කරනවා. ඒ විදියෙ ලොකු යකඩ පෙට්ටි 5560ක් ගන්නවාලු. ගෝල්ඞ්ලීෆ් පෙට්ටි 5400යි. ඩන්හිල් පෙට්ටි 160යි.


ඒ කියන්නේ සිගරට් 55,600,000ක් හෙවත් මිලියන 55ක් ගන්නවා.


ජයවේවා…….
(මෙම ලිපිය නිව්ස් 19 හෙළිදරව්වකි. උපුටා ගන්නේ නම්, ගෞරවය ලබාදෙන්න.)

RECENT ARTICLES - SINHALA

සැකකරුවෙක් උසාවි භූමියේදී පැනලා ගිහින්

අයිස් මත්ද්‍රව්‍ය තොගයක් සමග අත්අඩංගුවට ගත් සැකකරුවෙකු ග්‍රෑන්ඩ්පාස් පොලිසියේ නිලධාරීන් භාරයේ මාලිගාකන්ද අධිකරණ භූමියට රැගෙන ආ අවස්ථාවේදී නිලධාරීන්ගේ මිදී පලා ගොස් තිබෙන බවට වාර්තා...

ජාතික ජන බලවේගයේ පිරිසක් කාදිනල් හිමි හමුවට

'පාස්කු ඉරුදින' ත්‍රස්ත ප්‍රහාරයේ වින්දිතයන්ට යුක්තිය ඉටුකිරීම වෙනුවෙන් ජාතික ජන බලවේගය විසින් ඉදිරිපත් කරන ප්‍රතිඥාව කොළඹ අගරදගුරු අති උතුම් මැල්කම් රංජිත් කාදිනල් හිමියන් වෙත...

පාස්කු ප්‍රහාරයෙන් ජීවිත අහිමි වුවන් සිහි කරමින් විනාඩි දෙකක නිශ්ශබ්දතාවයක්

පාස්තු දින ත්‍රස්ත ප්‍රහාරයට වසර පහක් සම්පූර්ණ වන අවස්ථාවේදී එම විනාශකාරී ප්‍රහාරයෙන් මියගිය සියලු දෙනාට පිං අනුමෝදන් කිරීමට ලබන ඉරිදා (21) පෙරවරු 8.45 ට...

POPULAR ARTICLES

සාමාන්‍ය පෙළ සිසුන්ට විශේෂ දැනුම් දීමක්

2023 /24 අධ්‍යයන පොදු සහතික පත්‍ර සාමාන්‍ය පෙළ විභාගයට පෙනී සිටින සිසුන් සඳහා විභාග ප්‍රවේශ පත්‍ර නිකුත් කිරීම ලබන සතියේ ආරම්භ කරන බව විභාග...

අද ඩොලරය

එක්සත් ජනපද ඩොලරයට සාපේක්ෂව ශ්‍රී ලංකා රුපියල අද (15) ස්ථාවර මට්ටමක පවතිනවා. ශ්‍රී ලංකා මහ බැංකුව විසින් අද දින නිකුත් කරන ලද දෛනික විනිමය අනුපාතික...

සෞඛ්‍ය අංශවලින් දැනුම් දීමක්

උත්සව සමයේ සෞඛ්‍ය කාර්ය මණ්ඩලවල පූර්ණ කැපවීම හා දායකත්වය යටතේ රෝගී සත්කාරක සේවා කාර්යක්ෂමව හා අඛණ්ඩව පවත්වාගෙන යාම සඳහා පියවර ගෙන ඇති බව සෞඛ්‍ය...