කැලණිමුල්ල ප්රදේශයේදී පොලිස් විශේෂ කාර්ය බළකාය විසින් අණ නොතකා ධාවනය කළ යතුරු පැදියකට වෙඩිතැබීමක් සිදුකර තිබෙනවා.
වෙඩි ප්රහාරය හමුවේ යතුරුපැදියේ ගමන්කළ දෙදෙනා එම ස්ථානයේ පළාගොස් තිබෙන බවට වාර්තා වෙනවා.
අද පස්වරුවේ පොලිස් විශේෂ කාර්ය බළකාය විසින් හදිසි මාර්ග බාධකයක් යොදවා වාහන පරීක්ෂා කරමින් සිටියදී මෙම වෙඩිතැබීම සිදුව තිබෙනවා.
එහිදී ප්රථමයෙන් පොලිස් විශේෂ කාර්ය බළකාය විසින් යතුරුපැදිය නවත්වන ලෙසට සංඥා කර තිබෙන බව පොලීසිය පවසනවා.
මුල්ලේරියාව පොලීසිය සිද්ධිය සම්බන්ධයෙන් වැඩිදුර විමර්ශන ආරම්භ කර තිබෙන බව සඳහන්.