කොවිඩ් 19 වෛරසය ආසාදිතව රෝග ලක්ෂණ නොපෙන්වන පුද්ගලයන් ඔවුන්ගේ නිවෙස්වලම රඳවා තබාගෙන වෛද්ය අධීක්ෂණය කිරීමේ වැඩපිළිවෙල කඩිනම් කරන ලෙස ජනාදිපති ගෝඨාභය රාජපක්ෂ මහතා විසින් සෞඛ්ය සේවා අධ්යක්ෂ ජෙනරාල්වරයාට දැනුම් දී තිබෙනවා.
ජනාධිපතිවරයා පවසා තිබෙන්නේ එම වැඩපිළිවෙලට අදාල නිර්ණායක කඩිනමින් සකස් කරන ලෙසයි.
යුද හමුදාපති ශවේන්ද්ර සිල්වා මහතා පවසන්නේ මෙම වැඩපිළිවෙල ක්රියාත්මක වුවද සාමාන්ය රෝග ලක්ෂණ හෝ පෙන්වන ආසාදිතයන් කිසිසේත් නිවෙස්වල රඳවා නොගන්නා බවයි. එවැනි රෝගීන් අතරමැදි ප්රතිකාර මධ්යස්ථානවල රඳවා ගන්නා බවත්, බරපතල රෝග ලක්ෂණ සහිත රෝගීන් කඩිනමින් රෝහල්ගත කර අවශ්ය ප්රතිකාර ලබාදෙන බවත් යුද හමුදාපතිවරයා පවසනවා.
එසේම නිවෙස්වල රඳවා තැබීමේ වැඩපිළිවෙල ක්රියාත්මක වන්නේ ඒ සඳහා ප්රමාණවත් පහසුකම් තිබෙන ස්ථානවල පමණක් බවත්, එවැනි පහසුකම් නොමැති පුද්ගලයන් අතරමැදි ප්රතිකාර මධ්යස්ථාන වෙත යොමු කරන බවත් ඔහු පෙන්වා දෙනවා.