2023 ක්‍රිකට් ලෝක කුසලාන තරඟාවලියේ ශ්‍රී ලංකාව සහභාගි වන පළමු තරගය අද (07) අද පස්වරු 2ට දිල්ලිහිදී ආරම්භ වීමට නියමිතයි.
දකුණු අප්‍රිකානු කණ්ඩායම සමඟ පැවැත්වෙන මෙම තරඟයේ ශ්‍රී ලංකා කණ්ඩායම දසුන් ශානක විසින් මෙහෙයවන අතර, දකුණු අප්‍රිකානු කණ්ඩායම මෙහෙයවන්නේ, ටෙම්බා බවූමා විසින්.
කෙසේ වෙතත් අද තරගයට ශ්‍රී ලංකා දඟ පන්දු යවන ක්‍රීඩක මහිෂ් තීක්ෂණ ක්‍රීඩා නොකරන බව දැනුම්දී තිබෙනවා.
එක්දින ලෝක කුසලාන ඉතිහාසයේ ශ්‍රී ලංකාව සහ දකුණු අප්‍රිකාව අවස්ථා හයකදී මුණගැසී ඇති අතර, ඉන් 1992 ලෝක කුසලානයේදී හැරෙන්නට ශ්‍රී ලංකා කණ්ඩායම දකුණු අප්‍රිකානුවන් පරාජයට පත් කිරීමට හැකියාව ලැබී නැහැ.
මේ අතර, ඇෆ්ගනිස්ථානය සහ බංග්ලාදේශයද අතර තරඟය ශ්‍රී ලංකා වේලාවෙන් අද උදෑසන 10.30 ට ආරම්භ වීමට නියමිතව තිබෙනවා.
