31 C
Colombo
Monday, March 4, 2024

මලල ක්‍රීඩා ශූරතාවලියේ පෙන්වූ වැඩ

- Advertisement -

කොරෝනා වෛරස් වසංගත තත්ත්වය හේතුවෙන් වසරකට ආසන්න කාලයක මලල කී‍්‍රඩා පිටියේ පැවැති නිහැඬියාව බිඳිමින් ආරම්භ වූ ජාතික මලල කී‍්‍රඩා ශූරතාවලිය සාර්ථකව දෙසැම්බර් 29 වැනිදා නිමාවට පත්විය. පසුගිය 26 වැනිදා ආරම්භ වූ 98 වැනි ජාතික මලල කී‍්‍රඩා ශූරතාවලිය දින 4ක් පුරා කොළඹ සුගතදාස ක‍්‍රීඩා පිටියේදී පැවැත්විණි.

තරගාවලියේ අවසන් දිනය වූ ඊයේ දිනයේදී කැපී පෙනුණු දස්කම් දැක්වීමට මීටර් 400 පිරිමි ඉසව්ව නියෝජන කළ කාලංග කුමාරගේ සමත් විය. ශී‍්‍ර ලංකා යුද හමුදාව නියෝජනය කළ කාලිංග කුමාරගේ තහනම් උත්තේජන භාවිත කිරීමේ චෝදනාවක් මත වසර දෙකක් පමණ මලල කී‍්‍රඩා පිටියෙන් ඉවත් වී සිටියේය. එ් අනුව 2018 වසරෙන් පසුව මලල කී‍්‍රඩා පිටියට පිවිසි කාලිංග කුමාරගේ ඊයේ මීටර් 400 ඉසව්ව තත්පර 46.25කින් නිමා කරමින් එම ඉසව්වේ ජාතික ශූරයා බවට පත්වන්නට සමත් විය.

මීටර් 400 කාන්තා ඉසව්වේ රන් පදක්කම දිනා ගනිමින් එම ඉසව්වේ ජාතික ශූරිය වන්නට නදීශා රාමනායක සමත් වූවාය. එහිදී ඇය වාර්තා කළ කාලය තත්පර 53.47කි. නදීශා රාමනායක නේපාලයේදී පසුගිය වසරේදී පැවැති දකුණු ආසියානු ශූරතාවලිය නියෝජනය කිරීමට සමත් වුවද එහිදී ඇය ඩෙංගු රෝගයට ගොදුරුවීමෙන් තරගාවලිය මග හැරී ගියේය.

ඊයේ පැවැති ඉසව්වලින් වැඩි අවධානයක් යොමු වූ මීටර් 1500 කාන්තා ඉසව්මේ රන් පදක්කම දිනා ගැනීමට ගයන්තිකා අබේරත්න සමත් වූවාය. ගයන්තිකා එහිදී වාර්තා කළ කාලය මිනිත්තු 4.17.58කි. එහි පිරිම ඉසව්ව ජය ගැනීමට සමන් කුමාර ප‍්‍රනාන්දු සමත් වූ අතර මිනිත්තු 3.47.86ක කාලයක් වාර්තා කරමින් එම ඉසව්ව ජය ගැනීමට ඔහු සමත් විය.

මීටර් 10000 කාන්තා ඉසව්වේ ජාතික ශූරිය බවට පත්වන්නට ශී‍්‍ර ලංකා යුද හමුදාව නියෝජනය කරමින් තරග වැදුණු එච්. එම්. එන්. නන්දසේන සමත් වූවාය. ඇය එහිදී මිනිත්තු 35.21.11ක කාලයක් වාර්තා කරමින් අදාළ ඉසව්වේ රන් පදක්කම දිනා ගත්තාය. මීය අමතරව පිරිමි තුන් පිම්ම ඉසව්වේදී මීටර් 16.32ක දක්ෂතාවක් ප‍්‍රදර්ශනය කිරීමට සමත් වූ අයි.ඞී.එස්.එස්. ජයසිංහ එම ඉසව්වේ ජාතික ශූරයා බවට පත් විය. මිටිය විසි කිරීමේ කාන්තා ඉසව්වේ රන් පදක්කම දිනා ගැනීමට එච්.එ්.එ්. ලක්ෂිකා සමත් වූ අතර එහිදී මීටර් 43.02ක දක්ෂතාවක් ඇය ප‍්‍රදර්ශනය කළාය. එහි පිරිමි ඉසව්ව මීටර් 50.73ක දක්ෂතාවක් ප‍්‍රදර්ශනය කරමින් ජය ගැනීමට යුද හමුදාවේ සිසිර කුමාර සමත් විය.

(දිවයින)

RECENT ARTICLES - SINHALA

රිය අනතුරකින් විදේශිකයින් තිදෙනෙක් ඇතුළු 5කට තුවාල

දඹුල්ල - හබරන ප්‍රධාන මාර්ගයේ පැල්වෙහෙර ප්‍රදේශයේදී අද (04) උදෑසන බස් රථයක් සහ මෝටර් රථයක් එකිනෙක ගැටීමෙන් මෝටර් රථයේ ගමන් කරමින් සිටි ප්‍රංශ ජාතික...

සමන් රත්නායක යළිත් අධිකරණයට

රක්ෂිත බන්ධනාගාරගත කර සිටින සෞඛ්‍ය අමාත්‍යාංශයේ අතිරේක ලේකම් සමන් රත්නායක මහතා මීට සුළු වේලාවකට පෙර අධිකරණය වෙත රැගෙන විත් තිබෙනවා. පසුගිය මාර්තු 1 වන දින...

ප්‍රශ්න පත්‍ර පිටවීමේ සිද්ධිය ගැන විශේෂ සාකච්ඡාවක්

බස්නාහිර හා සබරගමුව පළාත්වල වාර විභාග ප්‍රශ්න පත්‍ර පිටවීමේ සිද්ධිය සම්බන්ධයෙන් අද (04) විශේෂ සාකච්ඡාවක් පැවැත්වනු ලබනවා. ඒ, අදාළ පළාත්වල අධ්‍යාපන බලධාරීන්ගේ සහභාගීත්වයෙන්. ප්‍රශ්න...

POPULAR ARTICLES

මාර්තු ඉන්ධන මිල ගණන් මෙන්න

මාර්තු මාසය තුළ පවතින ඉන්ධන මිල ගණන් සංශෝධනයකින් තොරව පවත්වාගෙන යාමට රජය තීරණය කර තිබෙනවා. මාසික ඉන්ධන මිල සංශෝධනයට අනුව ඊයේ (29) මධ්‍යම රාත්‍රීයේ...

විභාග දෙපාර්තමේන්තුවෙන් දැනුම්දීමක්

2024 වර්ෂය තුළ පැවැත්වීමට නියමිත පාසල් විභාග හා ඒවා පැවැත්වෙන දිනයන් විභාග දෙපාර්තමේන්තුව විසින් ප්‍රකාශයට පත්කර තිබෙනවා. ඒ අනුව 2023 වර්ෂයට අදාළව පැවැත්වීමට නියමිතව තිබූ...

අද ඩොලරය

ඇමෙරිකානු ඩොලරයට සාපේක්ෂව රුපියලේ අගය අද තවදුරටත් ශක්තිමත් වී තිබෙනවා. ශ්‍රී ලංකා මහ බැංකුව විසින් අද (01) දින නිකුත් කරන ලද දෛනික විනිමය අනුපාතික සටහනට...