මෙල්බර්න් සිට මෙරටට පැමිණි A330-300 දරණ ශ්‍රී ලංකන් ගුවන් යානයේ රාජකීය විද්‍යාලයේ හා ශාන්ත තෝමස් විද්‍යාලයේ ධජ ප්‍රදර්ශනය කර තිබූ බව Dailymirror පුවත්පත වාර්තා කරනවා.
රාජකීය විද්‍යාලය හා ශාන්ත තෝමස් විද්‍යාලය අතර පැවැත්වෙන 145 වැනි නිල් මහා සටන හේතුවෙන් ඔවුන් මෙලෙස සිය පාසල්වල ධජ ප්‍රදර්ශනය කළ බවයි වාර්තා වන්නේ.
ශ්‍රී ලංකන් ගුවන් සේවය පවසන්නේ, දෙපාර්ශවයේම ආධාරකරුවන් විශාල පිරිසක් මෙල්බර්න් සිට මෙම ගුවන් යානයෙන් දිවයිනට පැමිණි බවයි.
මෙම ගුවන් යානය මෙල්බර්න් සිට මෙරටට පියාසර කිරීමට පෙර එම ධජ ඉවත් කොට දිවයිනට පැමිණ තිබෙනවා.
කෙසේවෙතත් පාසල් උන්මාදය හේතුවෙන් සිදුකළ මෙම ක්‍රියාව සමාජ මාධ්‍ය ඔස්සේ දැඩිව විවේචනයට ලක්වනවා.
