31 C
Colombo
Monday, March 4, 2024

ශ්‍රීලංකන් ඉංජිනේරු අංශය FITS Aviation සමඟ නඩත්තු ගිවිසුමක් අත්සන් කරයි

- Advertisement -

ශ්‍රීලංකන් ගුවන් සමාගමේ ඉංජිනේරු හා නඩත්තු අංශය FITS Aviation (පුද්) සමාගම සමඟ ‘Total360’ගුවන් යානා ඉංජිනේරු සහ නඩත්තු ගිවිසුමක් පසුගිය සතියේ අත්සන් කළේය. FITS Aviation හි එයාර් බස් A320 ගුවන් යානා සමූහය සඳහා වන මූලික නඩත්තු කිරීම, සහ වෙනත් ඉංජිනේරු සේවා සම්බන්ධ සියලු කාර්යයන් මෙම ගිවිසුමට ඇතුළත් වේ. 


මෙම ගිවිසුම මඟින්  දිගු කාලීන අන්‍යෝන්‍ය වශයෙන් වාසිදායක ආරම්භයක් සනිටුහන් වන අතර එමඟින් FITS ගුවන් සේවයට ඔවුන්ගේ අරමුණු සාක්ෂාත් කර ගැනීම සඳහා හැකි වනු ඇත. එසේම ශ්‍රීලංකන් ගුවන් සේවයට ද තම ගුවන් යානා නඩත්තු කිරීමේ ඉහළම ප්‍රමිතීන් පවත්වාගැනීමට මෙමගින් හැකියාව ලැබේ.

ශ්‍රීලංකන් ගුවන් සමාගමේ ඉංජිනේරු අංශ ප්‍රධානී ෂෙවන්ත වීරසේකර මහතා මෙසේ පැවසීය. “ FITS එයාර් සමාගමට ඔවුන්ගේ A320 ගුවන් මෙහෙයුම් ආරම්භ කිරීම සඳහා අවශ්‍ය සහයෝගය සහ විශේෂඥභාවය ලබාදීමට ශ්‍රීලංකන් ඉංජිනේරු අංශයට හැකියාව තිබෙනවා. ශ්‍රී ලංකන් ඉංජිනේරු දැනුම කලාපයේ ඕනෑම ගුවන් සමාගමක් සමඟ ඒකාබද්ධ කර ගැනීමට සහ ඔවුන්ගේ ඉංජිනේරු සහ නඩත්තු අවශ්‍යතා සඳහා සහාය ලබාදීමට විවෘතව පවතිනවා.” යැයි ඒ මහතා වැඩිදුරටත් පැවසීය.

ශ්‍රීලංකන් ගුවන් සමාගමේ ඉංජිනේරු අංශය ක්ෂේත්‍රයේ ඉහළම පිළිගැනීමට ලක්වූ ගෝලීය ප්‍රමිති සහතික කිහිපයක් ලබා ගෙන තිබේ. එසේම ගුවන් සමාගමේ නඩත්තු හා ඉංජිනේරු අංශය EASA සහතිකලත් නඩත්තුව, මූලික නඩත්තුව සහ ඉංජිනේරු වැඩපළ සඳහා ද EASA සහතිකය හිමිකරගෙන තිබේ.  ඒ අනුව බණ්ඩාරනායක ගුවන් තොටුපළේ  සහ මත්තල ජාත්‍යන්තර ගුවන්තොටුපළේ ක්‍රියාත්මක වන ගුවන් යානා සහතික කිරීම සඳහා බලය පැවරී තිබේ

මේ පිළිබඳව අදහස් දක්වමින් ශ්‍රීලංකන් ගුවන් සමාගමේ ඉංජිනේරු අංශයේ ගුවන් යානා නඩත්තු කිරීම් ජ්‍යෙෂ්ඨ කළමනාකරු අර්ජුන කපුගේකියන මහතා සඳහන් කළේ FITS එයාර් 360 ඉංජිනේරු හා නඩත්තු සැපයුම්කරුවෙකු ලෙස තෝරා ගැනීම පිළිබඳව සතුටට පත්වන බවයි.

ගුවන් යානා නඩත්තු කටයුතු සිදුකිරීම සඳහා සීෂෙල්ස්, සිංගප්පූරුව, චීනය, ඉන්දියාව, කටාර්, එක්සත් අරාබි එමීර් රාජ්‍යය සහ බහරේන් යන රටවල ජාතික ගුවන් සේවා බලධාරීන්ගේ අනුමැතිය ද ශ්‍රී ලංකන් ඉංජිනේරු ආයතනය සතුව ඇත. එසේම එයාර්බස් A320, A321 (CEO සහ NEO මාදිලි සඳහා) සහ A330 ගුවන් යානා වලින් සමන්විත සමස්ත ශ්‍රීලංකන් ගුවන් ඇණිය සඳහා ද ඔවුන් සම්පූර්ණ ඉංජිනේරු සේවා සපයයි. මීට අමතරව, ශ්‍රී ලංකන් ඉංජිනේරු අංශය විසින් කොළඹ සහ මාලේ ගුවන්තොටුපලවල සහ තවත් බොහෝ ගුවන් සේවා පාරිභෝගිකයින්ට B777, B737NG, B 787, A350 සහතිකය ලබා දෙයි.

RECENT ARTICLES - SINHALA

සෞඛ්‍ය අංශයේ අපේ දියුණුව මේ කලාපයේ කිසිම රටකට සංසන්දනය කරන්න බැහැ – රමේෂ් පතිරණ

ආර්ථිකමය වශයෙන් බිඳ වැටී තිබුණු ශ්‍රී ලංකාව ලෝකයේ වෙනත් කිසිම රටකට වඩා වේගයෙන් ඉතා කෙටි කාලයකින් දෙපයින් නැගී සිටි බව කර්මාන්ත අමාත්‍ය සහ සෞඛ්‍ය...

කරාපිටිය රෝහලේ වෛද්‍යවරයෙක් සැකසහිත ලෙස මරුට

කරාපිටිය ශික්ෂණ රෝහලේ එක්ස්රේ අංශයේ සේවය කරනු ලැබූ වෛද්‍යවරයෙක් අභිරහස් ලෙස ඔහුගේ නිවසේ දී මියගොස් සිටිය දී පොලීසිය විසින් සොයාගෙන තිබෙනවා. මෙලෙස මියගොස් ඇත්තේ...

මහ බැංකු ලොක්කෝ අද කැබිනට්ටුවට

0
මහ බැංකු අධිපති ආචාර්ය නන්දලාල් වීරසිංහ මහතා ඇතුළු මහ බැංකුවේ ප්‍රධානීන් අද (04) අමාත්‍ය මණ්ඩල හමුවට කැඳවා තිබෙනවා. ඒ, මහ බැංකු නිලධාරීන්ගේ වැටුප් 70% කින්...

POPULAR ARTICLES

මාර්තු ඉන්ධන මිල ගණන් මෙන්න

මාර්තු මාසය තුළ පවතින ඉන්ධන මිල ගණන් සංශෝධනයකින් තොරව පවත්වාගෙන යාමට රජය තීරණය කර තිබෙනවා. මාසික ඉන්ධන මිල සංශෝධනයට අනුව ඊයේ (29) මධ්‍යම රාත්‍රීයේ...

විභාග දෙපාර්තමේන්තුවෙන් දැනුම්දීමක්

2024 වර්ෂය තුළ පැවැත්වීමට නියමිත පාසල් විභාග හා ඒවා පැවැත්වෙන දිනයන් විභාග දෙපාර්තමේන්තුව විසින් ප්‍රකාශයට පත්කර තිබෙනවා. ඒ අනුව 2023 වර්ෂයට අදාළව පැවැත්වීමට නියමිතව තිබූ...

අද ඩොලරය

ඇමෙරිකානු ඩොලරයට සාපේක්ෂව රුපියලේ අගය අද තවදුරටත් ශක්තිමත් වී තිබෙනවා. ශ්‍රී ලංකා මහ බැංකුව විසින් අද (01) දින නිකුත් කරන ලද දෛනික විනිමය අනුපාතික සටහනට...