දමිළ ජනතාවට එරෙහිව වෛරී සහගත ප්‍රකාශ නිකුත් කිරීම සම්බන්ධයෙන් මඩකලපුවේ අම්පිටිය සුමන හිමියන්ට එරෙහිව ප්‍රමාණවත් ක්‍රියාමාර්ගයක් නොගන්නේ ඇයිද යන්න දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ.සුමන්තිරන් මහතා පොලිස්පතිවරයාගෙන් විමසා තිබෙනවා.
සුමන්තිරන් මන්ත්‍රීවරයා පොලිස්පතිවරයා වෙත ලිපියක් යොමු කරමින් සඳහන් කර ඇත්තේ පසුගිය දින කිහිපය තුළම අම්පිටිය සුමන හිමියන් විසින් ප්‍රසිද්ධියේ මෙවැනි තර්ජනාත්මක ප්‍රකාශ කිහිපයක් නිකුත් කර ඇති බවයි.
එමෙන්ම අම්පිටියේ සුමන හිමියන් මඩකලපු දිස්ත්‍රික් පාර්ලිමේන්තු මන්ත්‍රී ශානක්කියන් රසමාණික්කම් මහතාට දිගින් දිගටම පහර දෙන බවත් දකුණේ වෙසෙන සියලුම දෙමළ ජනතාව කෑලිවලට කපා දමන බව පවසමින් ප්‍රසිද්ධියේ තර්ජනය කිරීමටත් කටයුතු කර ඇති බව ඔහු තවදුරටත් පෙන්වා දෙනවා.
රට තුළ වාර්ගික අසමඟිය ඇති කරවන හා ප්‍රචණ්ඩත්වයට හේතු වන ආකාරයේ මෙම ප්‍රකාශ සම්බන්ධයෙන් පොලීසිය කිසිදු පියවරක් නොගන්නේ මන්ද යන්න ඔහු මෙම ලිපිය මඟින් විමසා තිබෙනවා.
මේ අතර අම්පිටියේ සුමන හිමියන්ගේ ප්‍රකාශයක් දැක්වෙන වීඩියෝවක් සම්බන්ධයෙන් X හි සටහනක් තබමින් දෙමළ ප්‍රගතීශීලී සන්ධානයේ පාර්ලිමේන්තු මන්ත්‍රී මනෝ ගනේෂන් මහතා පෙන්වා දී ඇත්තේ “දකුණෙ ඉන්න හැම දෙමළෙක්ම කප කපා සිංහලයෝ මැරෙනවා” යනුවෙන් ප්‍රකාශ නිකුත් කිරීම ICCPR පනතේ 3 වැනි වගන්තිය පැහැදිලිව උල්ලංඝනය කිරීමක් නොවේද යන්නයි.
