තලේබාන් සංවිධානය ඇෆ්ගනිස්තාන තුළ නැගී සිටීමත් සමග ලෝකයම යළිත් ජිහාඩ් යුද්දයක අවදානමකට මුහුණ දී ඇති බව අයීතීන් සහ ආරක්ෂාව උදෙසා වන සංසදය පෙන්වා දී තිබේ.
කැනඩාව පදනම් කරගත් මෙම සංවිධානයට අනුව 2001 වර්ෂයේ සිට ඇෆ්ගනිස්තානයේ කෙළවරකට සීමා වී සිටි තලේබාන් සංවිධානය මේ වනවිට ඇෆ්ගනිස්තානයේ විශාල ප්රදේශයකට සිය බලය ව්යාප්ත කර ඇත.
ඉදිරියේදී ඇෆ්ගනිස්තානයේ සමස්ත බලය තලේබාන් සංවිධානය සතුවීමේ අවදානමක් ඇති අතර ඒ සමගම අල්කයිඩා වැනි සංවිධානවලට යළිත් වතාවක් ඇෆ්ගනිස්තානය සිය ආරක්ෂක පාරාදීසය බවට පත් කර ගැනීමට අවස්ථාව හිමිවන බව එම සංවිධානයේ අදහසයි.
දැනටමත් තලේබාන් සංවිධානයට අමතරව, අල්කයිඩා ඇතුළු ත්රස්තවාදී සංවිධාන විස්සක් පමණ ඇෆ්ගනිස්තානයේ යුද්දයකට මැදිහත්ව සිටින බව හෙළිවී තිබේ.
මේ හේතුවෙන් ලෝකයේ සියලු රටවල් මේ සම්බන්ධයෙන් පුලුල් අවධානයක් යොමු කළ යුතු බව එම සංවිධානය වැඩිදුරටත් පෙන්වා දෙයි.