පාකිස්තාන රජය සහ ජාත්‍යන්තර මූල්‍ය අරමුදලේ නියෝජිතයින් අතර පැවැති සාකච්ඡාවක් එකඟතාවයකින් තොරව අවසන් වී තිබෙනවා.
විදෙස් මාධ්‍ය වාර්තා කළේ, වැටුප් ලබන සහ වැටුප් නොලබන පුද්ගලයින් සඳහා නව ආදායම් බදු පැනවීමේ අනුපාත පිළිබඳ වන කරුණු සඳහා නිසි එකඟත්වයක් ඇති නොවීම ඊට හේතු වී ඇති බවයි.
ආදායම් බදු සීමාව, වැටුප් හා වැටුප් නොලබන අනුපාත ඒකාබද්ධ කිරීම මෙන්ම පුද්ගලයන් සඳහා පනවනු ලබන උපරිම ආදායම් බද්ද සම්බන්ධයෙන් දෙපාර්ශ්වය අතර මතභේදාත්මක තත්ත්වයක් පවතින බව සඳහන්.
කෙසේවෙතත් පවතින ගැටලු සම්බන්ධ විකල්ප යෝජනා පිළිබඳ සාකච්ඡා කිරීම සඳහා යළිත් වරක් පාකිස්තාන රජය සහ සහ ජාත්‍යන්තර මූල්‍ය අරමුදලේ නියෝජිතයින් අතර හමුවක් පැවැත්වීමට නියමිත බව විදෙස් වාර්තා වැඩිදුරටත් සඳහන් කරනවා.
