ඉන්දියාවේ දැවැන්ත සමූහ ව්‍යාපාරයක් වන ටාටා සමාගම ශ්‍රී ලංකන් ගුවන් සමාගම මිලට ගැනීම සඳහා කටයුතු කරමින් සිටින බවට වාර්තා වෙනවා.
මේ වන විට ටාටා සමාගම ඉන්දියාවේ එයාර් ඉන්දියා සමාගමේ මෙහෙයුම් කටයුතු මෙන්ම තවත් ගුවන් ගුවන් සමාගම් කිහිපයක මෙහෙයුම් කටයුතුවල නිරතව සිටින බව සඳහන්.
ශ්‍රී ලංකන් ගුවන් සමාගම පවත්වාගෙන යාම සඳහා ආයෝජකයෙකු ශ්‍රී ලංකා රජය විසින් පසුගිය කාලයේ සෙවූ නමුත් සමාගමේ මූල්‍ය තත්ත්වය අනුව ඒ සඳහා සැලකිය යුතු යෝජනා ඉදිරිපත් නොවී තිබූ බවයි.
ගුවන් සමාගම ලබන පාඩුව පියවා ගැනීම සඳහා වැඩපිළිවෙළක් සකස් කරන්නේ නම් යෝජනා ඉදිරිපත් කිරීමට තමන් සූදානම් බව ඇතැම් ආයෝජකයින් දන්වා තිබෙනවා.
