ටෙලිග්‍රාප් තීරු ලිපි රචිකාවක් වන ජුලී බර්චිල් (Julie Burchill), මේගන් මර්කල් සහ හැරී කුමරුගේ අලුත උපන් බිළිඳිය වන ලිලීබෙට් ගැන කළ “ජාතිවාදී” ට්වීට් ප්‍රකාශයක් හේතුවෙන් ටෙලිග්‍රාප් වෙතින් නෙරපීමට කටයුතු කර තිබේ.
ලොස් ඇන්ජලීස් හි උපත ලැබූ හැරී සහ මේගල් යුවළගේ දියණියට නම් තැබීමෙන් පසුව ලේඛිකාව සිදු කළ “අපහාසාත්මක” අදහස් මාලාවක් මෙම ඉවත් කිරීමට හේතු වී ඇත.
ලිලිබෙට් ඩයනා ලෙස බිළිඳියට නම් තැබීම දෙමව්පියන්ට මඟ හැරුණු අවස්ථාවක් බව ඇය විසින් සිදු කළ ටිවීට් පණිවුඩයේ සඳහන් කර තිබිණි.ලොව පුරා විරෝධතා අවුලවමින් මිනියාපොලිස් හි පොලිස් නිලධාරියකු විසින් ඝාතනය කරනු ලැබූ ජෝර්ජ් ෆ්ලොයිඩ් ගැන සඳහන් කරමින් බිළිඳිය ජෝර්ජිනා ෆ්ලොයිඩිනා ලෙස හැඳින්විය හැකි බව ද ඇය පවසා තිබේ
මෙම සිදුවීමට පෙර බිළිඳියගේ නම පිළිබඳ අපහාසාත්මක ප්‍රකාශ සිදු කළ නීතිඥවරියකගේ සේවය ද අත් හිටුවීමට කටයුතු කරන ලදී.මේගන් ගේ කළු ජාතික සම්භවයක් ඇති මව ගැන සඳහන් කරමින් දියණියට කළු ජාතික නමක් තැබිය හැකි දැයි ඇය විමසා සිටියාය
කාන්තාවන් දෙදෙනාගේ ප්‍රකාශයන් බොහෝ දෙනෙකුගේ විවේචනයට ලක් වී ඇතැයි පැවසේ.
