26.4 C
Colombo
Thursday, March 28, 2024

අවුරුදු 25 ක අලවතුගොඩ කසල අංගනය අද මලෙන් සහ ඵලෙන් පිරුණු වගා බිමක්

- Advertisement -

අකුරණ බල ප්‍රදේශයේ පමණක් නොව ශ්‍රී ලංකාව පුරාවට තිබෙන විශාල ප්‍රශ්නයක් නම් කසල බැහැර කිරීම/කසල කලමණාකරනය කිරීම යැයි කියන්නට පුලුවන්. වර්ථමානය වන විට මෙම ප්‍රශ්නය විසදීම ඉතාම අපහසු කාර්‍යක් බවට පත්වී තිබීම පුදුමයක් නොවේ. අන්තර්ජාතික වශයෙන් මෙම ප්‍රශ්නය විසදීම සදහා ලෝ රටවල් තරග කරමින් පවතින තත්ත්වයක් හමුවේ ප්‍රාදේශීය සභාවක සභාපතිවරයෙක්ට සහ එකී අයිති බල ප්‍රදේශයක් තුළ පමණක් එම ප්‍රශ්නය විසදීම සිහිනයක් පමණි.

අවුරුදු විසි පහකට වඩා අධික කාලයක් තිස්සේ පෙර දක්වාම අකුරණ ප්‍රාදේශීය සභාවේ බල ප්‍රදේශයට තිබූ විශාල ප්‍රශ්නයක් නම් කසල ගැටලුවයි. මාර්ගය දෙපස කසල/ ඇල මාර්ගය දිගේ ජලයට කුණු බැහැර කරන පුද්ගලයන්ගේ සංඛ්‍යාව අධිකයි. පොලිතීන් ප්ලාස්ටික් වීදුරු මුලුතැන්ගේ කසල සියල්ල එකම මල්ලක් තුළ, අකුරණ ප්‍රාදේශීය සභාවට තිබූ එකම කසල අංගනය වූයේද අලවතුගොඩ පිහිටි යාලුගහවෙලයි.

මෙම හේතූන් මත යාලුගහවෙල මිනුසින්ගේ ජීවිත කම්කටලු රාශියක් මැද්දේ අතරමග නතර වෙලා තිබීය, මල මිනියක් තියන්නේද මැස්සන්ගේ රාජධානී මැද්දේ, විවිධ වූ රෝගයන් වලට අඩුවක්ම නැහැ, නිතර යාලුගහවෙල මිනිසුන් උද්ඝෝෂණයන්, තාරුණ්‍යන්ගේ අනාගත බලාපොරොත්තූන් ඉලක්ක මැකී යාමේ අදුරු වලාවකයි.

අකුරණ ප්‍රාදේශීය සභාවේ ගරු සභාපති
ඉස්තිහාර් ඉමාදුදීන් මැතිතුමා 2018 වසරෙහි සභාපතිධූරය භාරගන්නේ මෙවන් විශාල අභියෝගයක් මැද්දේය. එතුමන්ගේ රාජකාරීයන්ගෙන් ප්‍රථම වරටම අඩි තබන්නේද මෙම ප්‍රශ්නය විසදීම සදහාය. ක්‍රමානුකූලව මෙහයවීමක් තුළින් ශ්‍රේෂ්ඨ කාර්‍ය මණ්ඩලයක් සහ සහයෙන් යුක්ත මන්ත්‍රී මණ්ඩලයක් සමගින් මෙම ප්‍රශ්නය විසදීම සදහා යාලුගහවෙල සහ කැලෑවන් තුළින් වැසී ගිය යාලුගහවෙල ඕවිස්ස කසල අපහරණ භූමිය සංවර්ධන කරන්නට ආරම්භ වීය. අවුරුදු විසි පහක් තිස්සේ රැදී තිබූ කසල සියල්ල සහමුලින්ම නිසි පරිදි ඉවත් කිරීම සිදු කරන ලදී.

ගරු සභාපති තුමන් 2018 දෙසැම්බර් මාසය වන විට කීවේ ?

“යාලුගහවෙල කසල අංගනයේ කසල සියල්ල අවුරුදු දෙකක් ඇතුලත සම්පූර්ණයෙන් ම ඉවත් කර ස්ථීර විසදුමක් ලබාදෙනවාමයි”

එය යථාර්ථයක් කරමින් මාස කිහිපයක් ගතවන විට ම එම පරිසරය ශුද්ධ පවිත්‍ර වන්නට විය. නිතර මධ්‍යම පරිසර අධිකාරියේ අධීක්ෂණය යටතේ සහ නිතර කොමසාරීස් තුමාගේ අධීක්ෂණය යටතේ ද අකුරණ ප්‍රාදේශීය සභාවේ මෙම වැඩපිළිවෙත් තිබුණි. දිරාපත් වන කසල දඹුල්ල නගර සභාවට යැවීමේ ගිවිසුමකටද අත්සන් තබන්නට විය.

වරක්ද ගරු සභාපතිතුමන් කීවේ මෙම කසල ප්‍රශ්නය සදහා සහමුලින්ම මා තිත තියන්නට මට අවුරුදු දෙකක කාලයක් අවශ්‍ය වන බවය. එහෙත් අවුරුදු දෙකකටත් වඩා අඩු කාලයක, අවුරුදු එකහමාරක් තුළම මෙම කසල ප්‍රශ්නය විසදීමට මහගු උත්සහයක් දැරුවේ යාලුගහවෙල අංගනයට කසල දාහකයක් අවශ්‍ය බවත් එය තුළින් කසල ප්‍රශ්නය 90% ක් විසදන බවත්ය.

බොහෝ දෙනෙක්ගේ ප්‍රශ්නය වූයේ,
” ප්‍රාදේශීය සභාවකට කසල දාහකයක් තරම් විශාල තාක්ෂණික මෙවලමක් ගැනීම අපහසුයි නේද ?

ගරු සභාපතිතුමන්, ගරු මන්ත්‍රීවරුන් සහ අකුරණ ප්‍රාදේශීය සභාවේ කාර්ය මණ්ඩලය දැක්වූ අසහය කැපකිරීම සහ කසල දාහකය මිලදී ගැනීම සදහා ගත් මහගු උත්සහය හමුවේ ටෙන්ඩර් කැදවා ටෙන්ඩර් අත්සන් කිරීමද පසුව සිදුකරන ලදී.

අවුරුදු විසිපහකටත් වඩා අධික කාලයක් තිබූ කසල ප්‍රශ්නයට තිත තබමින් ජනතා සිහිනය සැබෑ කරමින් කසල කලමණාකරනය සදහා ස්ථාවර විසදුම් පසුබිමක් නිර්මාණය කිරීම සහ බල ප්‍රදේශය සාධනීය මට්ටමකට ගෙන ඒම පිණිස මිලියන පනහක අති දැවැන්ත ව්‍යාපෘතිය නිමා වන්නට වීය. මේ මගින් දිරාපත් නොවන කසල පවා විශාල ටොන් ප්‍රමාණයක්, කිසිම ආකාරයකින් දුමකින් තොරව ඉතාම සුළු වෙලාවක් තුළ දහනය කොට ස්වභාවික පොහොර ලෙස නැවැත භාවිතා කිරීමේ හැකියාවක් ඇත. මෙමගින් පරිසරයට ද බලපෑමක් වන්නේ නැත. කසල කලමණාකාරය ද මනා ක්‍රමානුකූල වී ඇති අතර කසල දිනපතා ගැනීමේ ස්ථාවර වැඩපිළිවෙලක්. ද බල ප්‍රදේශයේ තුළ ක්‍රියාත්මක වෙයි.

මධ්‍යම පළාතේ ම ප්‍රථම වතාවට මෙවන් දැවැන්ත ව්‍යාපෘතිය අද වන විට අවුරුද්දකටත් අධික කාලයක් මෙසේ සාර්ථක අන්දමින් ක්‍රියාත්මක වන අතර අද වන විට යාලුගහවෙල කසල අංගන පරිශ්‍රය මල්පැල, එළවලු තවාන, පලතුරු වගා, ආදීයන්ගෙන් පිරුණු වගාබිමක් වශයෙන් ද සකසා අකුරණ ප්‍රාදේශීය සභාව විසින් ඉතාම ක්‍රමානුකූල අන්දමින් පවත්වාගැනීම සිදුකරයි. මෙවන් දැවැන්ත ව්‍යාපෘතීන් නිර්මාණය කරමින් සාධනීය මට්ටමක් දක්වා බල ප්‍රදේශය සකසා කසල අංගනයක් තුළ වගාබිම් සකසා එයින් ඵල නෙලා පරිසර හිතකාමී වැඩපිළිවෙත් ද අකුරණ ප්‍රාදේශීය සභාව විසින් දියත් කිරීම සමස්ථ ශ්‍රී ලංකාවට ම මෙය ආදර්ශයක් වන කරුණක් නොවන්නේද !

– අල්තාෆ් මොහොමඩ් –

RECENT ARTICLES - SINHALA

අද අපි සිංහල අවුරුද්ද සමරන්නේ ජනපති නිසා – වජිර

පසුගිය වසර තුනක කාලයක් අලුත් අවුරුද්ද සැමරීමට ජනතාවට අවස්ථාව හිමි නොවු බව පාර්ලිමේන්තු මන්ත්‍රී වජිර අබේවර්ධන මහතා පවසනවා. නමුත් රටේ සියලු ජනතාවට මෙවර අලුත් අවුරුද්ද...

මහරගම බෝ ගසේ අත්තක් කඩා වැටී දෙදෙනෙකුට තුවාල

මහරගම නගරයේ පිහිටි බෝ ගසක අත්තක් කඩා වැටී තිබෙනවා. මෙයින් පුද්ගලයින් දෙදෙනෙකු තුවාල ලබා තිබෙන බව පොලිසිය පවසනවා. මේ හේතුවෙන් හයිලෙවල් මාර්ගයේ දැඩි රථවාහන තදබදයක් පවතින...

බාෂික් ව අත්අඩංගුවට ගැනීමට එරෙහි අතුරු තහනම් නියෝගය දීර්ඝ කෙරේ

පොලිස් මත්ද්‍රව්‍යනාශක කාර්යාංශය විසින් නදිම් බාෂික් නමැත්තකු අත්අඩංගුවට ගැනීම වළක්වාලමින් නිකුත්කර තිබෙන අතුරු තහනම් නියෝගය අප්‍රේල් 29 වනදා දක්වා තවදුරටත් දීර්ඝ කරන ලෙස අභියාචනාධිකරණය...

POPULAR ARTICLES

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අරක්කු මිල පහළට?

එළඹෙන සිංහල හා හින්දු අලුත් අවුරුද්දට පෙර සුරා බද්ද අඩු කළහොත් ගල් අරක්කු බෝතලයක මිල අඩු කළ හැකි බව නිෂ්පාදන සමාගම් සුරාබදු දෙපාර්තමේන්තුවට දැනුම්...