කටුනායක බණ්ඩාරනායක ජාත්යන්තර ගුවන් තොටුපොළ විශේෂ අමුත්තන්ගේ ප්රභූ පර්යන්තය තුළ රාජකාරියේ නිරත වී සිටි ශ්රී ලංකා ගුවන් හමුදාවේ නායක ගුවන් භටයෙකු සතු ගිනි අවිය පත්තු වීමෙන් එම පර්යන්තයේ වහළයට හානි සිදු වී තිබෙන බව වාර්තා වනවා.
අද (30) උදෑසන 10.25 ට පමණ ශ්රී ලංකා ගුවන් හමුවේ නායක ගුවන් භටයා සතුව තිබූ T 56 වර්ගයේ ගිනි අවිය එසේ වැරදීමකින් පත්තු වී තිබූ අතර, කිසිදු ජීවිත හානියක් එයින් සිදුවී නොමැති බවද වාර්තා වනවා.
මේ වනවිට මෙම නායක ගුවන් භටයා ශ්රී ලංකා ගුවන් හමුදාව විසින් අත් අඩංගුවට ගෙන ඇති අතර, කටුනායක ගුවන් තොටුපොළ පොලිසිය හා ශ්රී ලංකා ගුවන් හමුදාව එක්ව මේ පිළිබඳ වැඩිදුර විමර්ශන කටයුතු සිදු කරමින් සිටින බවයි වාර්තා වන්නේ.