27 C
Colombo
Friday, June 14, 2024
spot_img

චීන වැක්සීනය ලංකාව ඩොලර් 15 ට ගෙනවද්දී බංග්ලාදේශය ඩොලර් 10 ට ගෙන්වයි

- Advertisement -

මෙරට කොවිඩ් එන්නත්කරණ වැඩසටහන සඳහා කොවිඩ් වැක්සීනය මුදලට ආනයනය කිරීමේදී දැවැන්ත මූල්‍ය අක්‍රමිකතාවයක් සිදුවීමට නියමිත බවට තොරතුරු වාර්තා වනවා.

පවත්නා තත්ත්වය යටතේ කොවිඩ් වසංගත තත්ත්වයට එකම විසදුම එන්නත්කරණය පමණක් බවට කල්ගතවී හෝ තේරුම්ගත් ආණ්ඩුව පසුගිය සතියේ තීරණය කර තිබුණේ එන්නත් කළ හැකි සියලුම දෙනා මේ වසර අග වන විට එන්නත් කර අවසන් කිරීමටයි.

ඒ අනුව පසුගිය මැයි 24 වනදා සෞඛ්‍ය අමාත්‍ය පවිත්‍රා වන්නිආරච්චි මහත්මිය කැබිනට් මණ්ඩලයට ඉදිරිපත් කළ කැබිනට් පත්‍රිකාවක දැක්වුණේ චීනයේ නිෂ්පාදනය කෙරෙන සයිනොෆාම් එන්නත් මිලියන 14 ක් එක් මාත්‍රාවක් ඩොලර් 15 ක මිලක් යටතේ මිලදී ගැනීමට අවසර ලබාදෙන ලෙසයි.

අදාළ මිල ගණන් අමාත්‍ය මණ්ඩලය විසින් පත්කරන ලද සාකච්ඡා කමිටුව විසින් සාකච්ඡා කොට තීරණය කර ඇති බවත්, අඛණ්ඩ එන්නත්කරණයෙහි ඇති හදිසි අවශ්‍යතාවය සලකා එක් මාත්‍රාවක් ඩොලර් 15 ක මිලට මිලදී ගැනීමේ ගිවිසුමද සම්පූර්ණ කර ඇති බවත් එම කැබිනට් පත්‍රිකාවේ සඳහන්ව තිබුණා.

ඒ අනුව එක් මාත්‍රාවක් ඩොලර් 15 ක මිලක් යටතේ එන්නත් මාත්‍රා මිලියන 14 ක් මිලදී ගැනීම සඳහා ඇමරිකානු ඩොලර් මිලියන 210 ක් වැයවෙනු ඇති.

එනම් මෙරට මුදලින් ආසන්න වශයෙන් බිලියන 41.6 ක මුදලක් මේ සඳහා වැයවනවා.

මේ අතර බංග්ලාදේශයද මේ වන විට සයිනොෆාම් එන්නත් මිලියන 15 ක් මිලදී ගැනීමට සූදානම් වනවා.

ඒ අනුව බංග්ලාදේශයේ මිලදී ගැනීම් පිළිබඳ කැබිනට් කමිටුව විසින් අදාළ වැක්සින් තොගය මිලදී ගැනීම සඳහා අවසර ලබාදුන් බව The Daily Star වෙබ් අඩවිය වාර්තා කරනවා.

කැබිනට් රැස්වීමෙන් අනතුරුව බංග්ලාදේශ මුදල් අමාත්‍ය A.H.M.මුස්තාපා කමල් මහතා මාධ්‍ය අමතමින් සඳහන් කළේ සයිනොෆාම් වැක්සින් මාත්‍රා එකක් ඇමරිකානු ඩොලර් 10 බැගින් මිලදී ගැනීමට කැබිනට් අනුමැතිය හිමිවූ බවයි.

ඒ අනුව එකම රටේ එකම ආයතනයකින් එකම එන්නත මිලදී ගැනීමේදී රටවල් දෙකක් මිල ගණන් දෙකකට මිලදී ගැනීම පිළිබදව මේ වන විට ආන්දෝලනාත්මක තත්ත්වයක් හටගෙන තිබෙනවා.

RECENT ARTICLES - SINHALA

ණය ගැන කොහොමද සතුටු වෙන්නේ ?- රෝහිත අබේගුණවර්ධන

ජාත්‍යන්තර මූල්‍ය අරමුදල ලබා දෙන්නේද ණය නිසා ණය ලැබීම ගැන සතුටු විය නොහැකි බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී රෝහිත අබේගුණවර්ධන මහතා පැවසුවා. මේ...

උද්දිකගේ සුපිරි රංගනය අතේ පත්තු වෙලා

ශ්‍රී ලංකා පොදු ජන පෙරමුණේ අනුරාධපුර දිස්ත්‍රික් හිටපු පාර්ලිමේන්තු මන්ත්‍රී රංගන ශිල්පී උද්දික ප්‍රේමරත්න මහතාගේ අනුරාධපුරයේ පිහිටි නිවස අසලදී ඔහුගේ වාහනයට වෙඩි තබා ඇත්තේ...

දුම්රිය ස්ථානාධිපතිවරු වෘත්තීය ක්‍රියාමාර්ගයකට සුදානමින්

උසස්වීම් ක්‍රමවේදයේ පවතින ගැටලු ඇතුළු ඉල්ලීම් කිහිපයක් මුල් කරගනිමින් වෘත්තීය ක්‍රියාමාර්ගයකට එළඹීමට දුම්රිය ස්ථානාධිපතිවරුන්ගේ සංගමය තීරණය කර තිබෙනවා. සිය ඉල්ලීම් සම්බන්ධයෙන් හෙට (14) පස්වරු 2.00...

POPULAR ARTICLES

ශ්‍රී ලංකා ක්‍රිකට් කණ්ඩායම විකිපීඩියා එකේ ‘ලොන්තයෝ’ වෙලා

විස්සයි විස්ස ලෝක කුසලන තරඟාවලියට සහභාගී වී සිටින ශ්‍රී ලංකා කණ්ඩායමේ දුර්වල ක්‍රීඩා විලාසය සම්බන්ධයෙන් වර්තමානය වන විට ක‍්‍රිකට් ලෝලීන්ගෙන් දැඩි විවේචන එල්ල වෙමින්...

කෙහෙළියට මල්වඩම් යවපු විඩියෝ අධිකරණයට දෙන්න- මහේස්ත්‍රාත් අධිකරණය

හිටපු සෞඛ්‍ය අමා​ත්‍ය කෙහෙළිය රඹුක්වැල්ල මහතාගේ කොළඹ 07 පිහිටි නිල නිවස ඉදිරිපිට මල් වඩම් තැබීම සම්බන්ධයෙන් සංස්කරණය නොකළ වීඩියෝ දර්ශන අධිකරණයට ඉදිරිපත් කරන්නැයි කොළඹ...

සනත් නිශාන්තගේ බිරිඳත් මහින්දට ‘මයිනා’ කියලා

මහින්ද රාජපක්ෂ නමැති යුහ චරිතය ' මයිනා' නමින් සමාජයේ ගැරහීමට පාත්‍ර වූයේ ජනතාවගේ අනාගතය සුරක්ෂිත කිරීමට බව හිටපු අමාත්‍ය, සනත් නිශාන්තගේ බිරිඳ වන චමරි...