සයිනෝෆාම් එන්නත් මාත්රා මිලියන 14ක් මිලදී ගැනීම වෙනුවෙන් ශ්රී ලංකා ආණ්ඩුව ඩොලර් මිලියන 07ක් වැඩිපුර ගෙවීමට කැබිනට් අනුමැතිය ගෙන තිබෙන බවත් ලෝක වෙළෙඳපොළේ පවතින මිල ගණන් පසෙකලා මෙලෙස වැඩියෙන් මුදල් ගෙවන්නේ ඇයිද යන්න ගැටළුවක් බවත් සමඟි ජන බලවේගයේ පාර්ලිමේන්තු මන්ත්රී එස්.එම්.මරික්කාර් මහතා පවසනවා.
සයිනෝෆාම් එන්නතේ මාත්රාවක් බංගලාදේශයට ඩොලර් 10 කට දෙන විට ශ්රී ලංකාව එම එන්නතම මාත්රාවක් ඩොලර් 15 බැගින් මිලදී ගන්නේ ඇයිද යන්න පිළිබඳව මන්ත්රීවරයා රජයෙන් විමසා සිටිනවා.
ඒ අනුව මාත්රා මිලියන 14ක් ගෙන්වන විට වැඩිපුර ඩොලර් මිලියන 07ක් ගෙවීමට සිදුවන අතර රටේ ආර්ථිකය සී සී කඩ ගොස් තිබෙන අවස්ථාවක මෙලෙස වැඩි මුදලක් ගෙවීමට හේතුව ආණ්ඩුව දැක්විය යුතු බව ඔහු පවසයි.
වැඩියෙන් ගෙවන මුදල යන්නේ චීනයටද නැත්නම් කාගේ හෝ සාක්කුවකටද යන්න ආණ්ඩුව පැහැදිලි කළ යුතු බවත් මන්ත්රීවරයා වැඩිදුරටත් අවධාරණය කර සිටිනවා.