ආර්ථික ගැටලු හේතුවෙන් පාර්ලිමේන්තු මන්ත්රීවරුන් හතළිහකට ආසන්න පිරිසක් සිය සුඛෝපභෝගි ලොකු වාහන වෙනුවට ඉතා අඩු මිල ගණන් සහිත කුඩා වාහනවලට යොමුවී සිටින බව පාර්ලිමේන්තුව ආරංචි මාර්ග පවසන බව ලංකාදිප පුවත්පත වාර්තා කරනවා.
අධික ඉන්ධන මිල, සේවා ගාස්තු සහ නඩත්තු වියදම් හේතුවෙන් ඔවුන් මෙසේ කටයුතු කර තිබෙන බවයි වාර්තා වන්නේ.
එසේම අධික ඉන්ධන වියදම් හේතුවෙන් පාර්ලිමේන්තු රැස්වීම් වලට සහභාගිවීම මෙන්ම විවිධ උත්සව සඳහා සහභාගිවීමද සීමා කර තිබෙන බව මන්ත්රීවරු කීපදෙනෙක් පවසා තිබෙනවා.
තවද මන්ත්රීවරුන් කිහිපදෙනෙකු බස් රථ, දුම්රිය වැනි පොදු ප්රවාහන මාධ්ය භාවිතා කිරීමට පෙළඹී සිටින බවත් සමහර මන්ත්රීවරුන් තමන් සතුව පැවති ලොකු වාහන විකුණා දමා තිබෙන බවත් සඳහන් වනවා.