කොළඔ විශ්වවිද්‍යාලයේ විවිධ පිඨයන්ට අයත් ශිෂ්‍ය ශිෂ්‍යාවන් වැඩි පිරිසකට සහ විශේෂ අවශ්‍යතා සහිත ශිෂ්‍යාවන් වෙනුවෙන් නේවාසික පහසුකම් සැපයීමට කොළඔ විශ්ව විද්‍යාලය දීර්ඝ කාලයක් තිස්සේ භාවිතා කරමින් සිිිිටි කොළඔ 02, මුත්යියා පාරේ නේවාසිකාගාර ගොඩනැගිල්ල සහිත අක්කර 2.5 ක ඉඩම අසාධාරණ සහ අත්තනෝමතික ලෙස නාගරික සංවර්ධන අධිකාරිය මගින් අත්පත් කර ගැනීමට දරනු ලබන උත්සහයට විරෝධය දක්වමින් විශ්වවිද්‍යාලීය ආචාර්යවරුන්ගේ සමිති සම්මේලනය නිවේදනයක් නිකුත් කර ඇත.
අදාල නිවේදනය නොවැම්බර් 15 වන දින නිකුත් කර ඇත.
කොළඔ විශ්වවිදයාලයේ ශිෂ්‍ය ශිෂ්‍යාවන් දැනටමත් දැඩි නේවාසික පහසුකම් අර්බුදයකට මුහුණ දෙමින් සිටින බවත්, නාගරික සංවර්ධන අධිකාරිය මෙම ඉඩම අත්පත් කර ගැනීමට දරන උත්සහයට විරෝධය දක්වමින් විශ්වවිද්‍යාල ආචාර්යවරුන් සහ ශිෂ්‍ය ශිෂ්‍යාවන් ලිඛිතව ඒ් පිළිබඳව අදාල බලධාරීන් දැනුවත් කළ බවත් එම නිවේදනයේ සදහන් වේ.
මේ ආකාරයෙන්ම කොළඔ 07, බෞද්ධාලෝක මාවතට යාබදව පිහිටි ග්‍රහලෝකාගාරය ආසන්නයේ පිහිටි විශ්වවිද්‍යාලයට අයත් පරිශ්‍රයේ කොටසක්ද බලහත්කාරී ලෙස අත්පත්කර ගැනීමට කුසලතා සංවර්ධන, වෘත්තීය අධ්‍යාපන, පර්යේෂණ සහ නවෝත්පාදන අමාත්‍යංශය මගින් උත්සහයක් ක්‍රියාත්මක වන බවත් ඒම නිවේදනයේ සදහන්වේ.
