26 C
Colombo
Saturday, April 13, 2024

ජනතාව ජීවිත බියෙන් ඉද්දි ආණ්ඩුව පෝට් සිටි පනතක් ගේනවා

- Advertisement -

කොවිඩ් තත්ත්වයත් සමඟ ජනතාව ජීවිතාරක්ෂාව ගැන බියකින් පසුවන මොහොතක පෝට් සිටි වැනි පනතක් සම්මත කරගැනීම යෝග්‍ය නොවන අතර එයට පක්ෂ නායක රැස්වීමේදී අද (13) සිය විරෝධය පළකලද ඊට ඇහුම්කන් නොදී ආණ්ඩුව සුපුරුදු ලෙස තමන්ගේ ගෝරනාඩුව යොදාගෙන 19 හා 20 යන දෙදින තුළ ඒ ගැන පාර්ලිමේන්තුවේදී විවාද කර සම්මතකර ගැනීමට තීරණය කළ බව ජනතා විමුක්ති පෙරමුණේ නායක පාර්ලිමේන්තු මන්ත්‍රී අනුර කුමාර දිසානායක මහතා පැවසුවේය.

මන්ත්‍රීවරයා මේ බව සඳහන් කළේ පක්ෂ නායක රැස්වීමෙන් අනතුරුව මාධ්‍ය වෙත ප්‍රකාශයක් නිකුත් කරමිනි.

මෙය කිසිසේත් ප්‍රජාතන්ත්‍රවාදී, ජනතා පරමාධිපත්‍යයට ගරු කරන තීන්දුවක් නොවන බවයි අනුර දිසානායක මහතා පවසන්නේ.

”ආණ්ඩුව තමන්ගේ මුග්ධ,විනාශකාරී උත්සාහයන් ජනතාව විපතට පත්වෙලා තිබෙන මොහොතක, ජනතාවට තමන්ගේ මරණය ගැන බියජනක තත්ත්වයක් පවතින මොහොතක ආණ්ඩුව උත්සහ කරමින් තිබෙන්නේ එවැනි විනාශකාරී පනතක් සම්මතකරගන්න. ආණ්ඩුවේ මෙම ප්‍රජාතන්ත්‍ර විරෝධී, විනාශකාරී ක්‍රියාදාමයට විරුද්ධව අපි අපේ විරුද්ධත්වය පාර්ලිමේන්තුවේ පක්ෂ නායක රැස්වීමේදී ප්‍රකාශයට පත් කළා. ආණ්ඩුව ඒ ගැන කිසිදු සැලකිල්ලක් නොදක්වා සුපුරුදු ලෙස ඔවුන්ගේ තීරණය ගනු ලැබුවා.” යැයි ඒ මහතා පවසයි

රට සම්බන්ධයෙන්, උපනුපන් අනාගත පරම්පරාව වෙනුවෙන් තීරණාත්මක වෙන තීන්දුවක් ගැනීමේදී ඊට ජනතාවගේ හඬද අදාළ කරගත යුතු වුවත් ආණ්ඩුව එය බැහැර කර තිබෙන බවයි අනුර දිසානායක මහතා පෙන්වාදුන්නේ.

රටම අනතුරට හෙළන මෙම පනත ජනතා සහභාගීත්වයක් නොමැතිව බලහත්කාරී ලෙස සම්මත කරගැනීමට දරන උත්සහ පරාජය කළ යුතු බව ඔහු වැඩිදුරටත් අවධාරණය කළේය.

RECENT ARTICLES - SINHALA

අලුත් අවුරුද්ද උදා වෙයි

සිංහල අවුරුදු නැකැත් පත්‍රයට අනුව 2024 සිංහල සහ දෙමළ අලුත් අවුරුද්ද මීට සුළු මොහොතකට පෙර උදා වුණා. අද (13) අපර භාග 2.41 සිට ඉරිදා...

අවුරුදු දවසේ මිරිස්ස උණුසුම් කළ විරෝධය

සමස්ත ලංකා පොදු ධීවර සම්මේලනය ගාල්ල මාතර ප්‍රධාන මාර්ගයේ මිරිස්ස නගරයේදී අද මෙලෙස විරෝධතාවයක නිරත වූයේ වර්තමානයේ ධීවර ප්‍රජාව මුහුණදෙන ගැටළු කිහිපයක් මුල් කර...

බණ්ඩාරවෙලදී වෑන් රථයක් ප්‍රපාතයකට පෙරළීමෙන් 6කට තුවාල

බණ්ඩාරවෙල - උඩපාර ප්‍රදේශයේදී අද (13) පස්වරුවේ වෑන් රථයක් මාර්ගයෙන් ඉවතට පැන අඩි 150ක පමණ ප්‍රපාතයකට පෙරලී ගොස් තිබෙනවා. මෙම අනතුරෙන් වෑන් රථයේ ගමන් ගත්...

POPULAR ARTICLES

2024 අවුරුදු නැකැත් සීට්ටුව මෙන්න

හෙට (13) රාත්‍රියේ උදාවන සිංහල හා දෙමළ අලුත් අවුරුද්ද පිළිගැනීම සඳහා මේ වනවිට ශ්‍රී ලංකිකයින් සූදානම් වෙමින් සිටිනවා. රාජ්‍ය නැකත් කමි­ටුව මඟින් සකස් කරන...

තෙල් සංස්ථාවෙන් දැනුම්දීමක්

සිංහල දෙමළ අලුත් අවුරුදු උත්සව සමය තුළ සිපෙට්කෝ ඉන්ධනහල් මගින් අඛණ්ඩ ඉන්ධන සැපයුමක් සඳහා අවශ්‍ය ක්‍රියාමාර්ග ගෙන ඇති බව ලංකා ඛණිජ තෙල් නීතිගත සංස්ථාව...

අද ඩොලරය

ශ්‍රී ලංකාවේ වාණිජ බැංකු කිහිපයකට අනුව  අද (11) දිනයේ රුපියල, එක්සත් ජනපද ඩොලරයට සාපේක්ෂව නොවෙනස්ව පවතිනවා. සෙලාන් බැංකුවට අනුව, එක්සත් ජනපද ඩොලරයේ ගැනුම් සහ විකුණුම්...