කෝවිලක දොරවල් කඩා ඊට ඇතුළු වූ අයෙක් එහි දේව ප්රතිමාවට පළඳවා තිබූ රන් ආභරණ සහ පඬුරු පෙට්ටිය සොරාගෙන ගොස් තිබෙනවා.
ලුණුගල පොලිසිය සඳහන් කළේ ශ්රී කනිමාරි අම්මාන් කෝවිලේ තිබූ භාණ්ඩ තොගයක් මෙලෙස සොරාගෙන ඇති බවයි.
සිද්ධිය සම්බන්ධයෙන් කෝවිලේ කුරුක්කල්වරයා පොලිස් පැමිණිල්ලක් ද සිදුකර තිබෙනවා.
එම පැමිණිල්ලට අනුව රන් භාණ්ඩ සහ පඬුරු පෙට්ටියට අමතරව එහි තිබූ වටිනා ඩීවීඩී යන්ත්රයක්ද සොරාගෙන ගොස් ඇති බවයි සඳහන් වන්නේ.
සොරාගත් භාණ්ඩවල වටිනාකම රුපියල් තුන් ලක්ෂ හැත්තෑ දහසක් වන අතර පසුගිය 06 වනදා රාත්රියේ මෙම සොරකම සිදුව තිබෙනවා.
සිද්ධිය සම්බන්ධයෙන් ලුණුගල පොලීසිය වැඩිදුර පරීක්ෂණ සිදු කරනු ලබනවා.