ශ්‍රී ලංකාවේ ජනගහනය 144,000කින් පමණ පහළ ගොස් ඇතැයි මහ බැංකු වාර්තාවක සඳහන් වන බව පේරාදෙණිය විශ්ව විද්‍යාලයේ ආර්ථික විද්‍යා හා සංඛ්‍යාන අධ්‍යයන අංශයේ මහාචාර්ය වසන්ත අතුකෝරළ මහතා පවසනවා.
වසර දහයකින් පසු ජනගහනය ඍණ වර්ධනයක් පෙන්වූ පළමු අවස්ථාව මෙය බවයි ඔහු සඳහන් කළේ.
ජනගහනය එසේ පහළ යෑමේ ප්‍රතිශතය .06% ක්.
මේ අනුව, කාන්තා ජනගහනය හැත්තෑ දහසකින්ද පිරිමි ජනගහනය 74,000කින්ද අඩුවී තිබෙනවා.
මේ අතර, පසුගිය වසරේදී උපත් ප්‍රමාණය ඊට කලින් වසරට සාපේක්ෂව 27421කින් පහළ ගොස් ඇති බවත්, මරණ සංඛ්‍යාවද 1447කින් වැඩි වී ඇති බවත් ඔහු සදහන් කරනවා.
එම වැඩිවීම ප්‍රතිශතයක් ලෙස 8%ක්.
රටේ විවාහ සංඛ්‍යාවද 19784කින් පහළ ගොස් ඇතැයි එම මහ බැංකු වාර්තාවේ සඳහන් වන බව වාර්තා වනවා.
