තෙල් සංස්ථාවේ ජෙට්.කේ.වන් ඉන්ධනවලට වැරදි බටයක් ගැසීම හේතුවෙන් ඉන්ධන ලීටර් 60,000ක් අපතේ ගොස් තිබෙන බව කුරුණෑගල දිස්ත්‍රික් මන්ත්‍රී නීතිඥ දයාසිරි ජයසේකර මහතා පාර්ලිමේන්තුවේදී අද (14) පවසා සිටියා.
ඒ ගැන සෙවීමට ගොස් එහි විදුලි පද්ධතියටද හානි සිදුවී ඇති බව ඔහු සඳහන් කළා
දයාසිරි ජයසේකර මහතා මේ බව පවසා සිටියේ සභාවේ කටයුතු ආරම්භයේදී ප්‍රකාශයක් කරමින්.
තෙල් සංස්ථාවේ ජෙට් කේ වන් ඉන්ධනවලට වැරදි බටයක් ගහලා ඉන්ධන ලීටර් 60,000ක් අපතේ ගිහිල්ලා තියෙනවා කියලා අපිට ආරංචියි.ඒ ගැන හොයන්න ගිහිල්ලා විදුලි පද්ධතියටත් හානි වෙලා තියෙනවා. ඒක වැරදි විදිහට පාවිච්චි කරලා තියෙන කාරණයක් තියෙන්නේ. දිගින් දිගටම මේ වගේ දේවල් සිද්ධ වෙනවා.
සිදුවිම සම්බන්ධයෙන් තමා නොදන්නා බව පැවසු විදුලි බල හා බල ශක්තිය අමාත්‍ය කංචන විජේසේකර මහතා ඒ පිළිබඳ සොයා බලා කරුණු වාර්තා කරන බව සඳහන් කළා.
