වෑන් රථයකින් පැහැරගෙන ගිය බවට චෝදනා එල්ල වූ ශ්‍රී ජයවර්ධනපුර විශ්වවිද්‍යාලයේ මහා ශිෂ්‍ය සංගමයේ සභාපති අමිල සන්දීප අත්අඩංගුවට ගෙන ඇති බව පොලිසිය තහවුරු කරයි.
අද (05) කොළඹදී පැවති විශ්වවිද්‍යාල ආචාර්යවරුන් සංවිධානය කරන උද්ඝෝෂණයට යෑමට සූදානම්ව සිටියදී විශ්වවිද්‍යාලය ඉදිරිපිටට පැමිණි නිල් පැහැති වෑන් රථයකින් ඔහු රැගෙන ගිය බවට අවට සිටි පිරිස් පැවසූ බව අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ සඳහන් කරයි.
මේ සම්බන්ධයෙන් පැමිණිලි කිරීමට මිරිහාන පොලිසියට ගිය විශ්වවිද්‍යාල සිසුන්ට පොලිසිය දැනුම් දී ඇත්තේ සභාපතිවරයා අත්අඩංගුවට ගත් බවයි.
තලංගම පොලිසිය මගින් ඔහු අත්අඩංගුවට ගෙන ඇති බව ද විශ්ව විද්‍යාල සිසුන්ට දැනුම් දී තිබේ.
