කොළඹ බේරේ වැවේ ජලය පිරිසිදු කර එහි දුඟද නැති කිරීමටත් නඩත්තු කටයුතු දිගටම සිදු කිරීම සඳහා පෞද්ගලික අංශයට පැවරීමට රජය තීරණය කර තිබෙනවා.
එම කටයුතු Groepo Pte. Ltd සමාගම වෙත සහ එහි දේශීය සමාගම වන Groepo Lanka Bioscience (Pvt) Ltd. වෙත පැවරීමට මෙලෙස තීරණය කර තිබෙන බවට වාර්තා වනවා.
මෙම යෝජනාවට අනුව බේරේ වැවේ දුගද නැති කොට එය පිරිසුදු කිරීමටත් බේරේවැව සංවර්ධන කටයුතු සඳහා යොදා ගැනීමටත් නියමිතයි.
මෙම ව්යාපෘතිය භාරව කටයුතු කරන අදාළ සමාගම අධිතාක්ෂණ උපකරණ හා විද්යාත්මක ක්රම භාවිතා කරමින් බේරේ වැව පිරිසිදු කිරීමේ කටයුතු සිදු කරනු ලබනවා.
අදාල යෝජනාව සඳහා කැබිනට් මණ්ඩල අනුමැතියද ලැබී ඇති අතර මෙම ව්යාපෘතියට සමගාමීව බේරේ වැවට මලාපවහන අපජලය සහ අපද්රව්ය බැහැර කරන මාර්ග හඳුනාගෙන ඒ සඳහා විකල්ප ක්රමවේද හඳුන්වා දීමටද කටයුතු කරන ලෙස කැබිනට් මණ්ඩලය ඊට අදාළ රාජ්ය ආයතනවලට දැනුම් දී තිබෙනවා.
මෙහි මෙහෙයුම් කටයුතු සඳහා ශ්රී ලංකා ඉඩම් සංවර්ධනය කිරීමේ සංස්ථාව, ශ්රී ලංකා වරාය අධිකාරිය,නාගරික සංවර්ධන අධිකාරිය ,මධ්යම පරිසර අධිකාරිය, ශ්රී ලංකා දේශගුණික අරමුදල (පුද්ගලික) සමාගම සහ කොළඹ මහ නගර සභාව නියෝජනය කරමින් අධීක්ෂණ කමිටුවක්ද නම් කර තිබෙන බවයි සඳහන් වන්නේ.