ශ්රී ලංකා කරාතේ දෝ සම්මේලනයේ ලියාපදිංචිය වහාම ක්රියාත්මක වන පරිදි අත්හිටුවා තිබෙනවා.
ඒ අනුව එහි කටයුතු තවදුරටත් පවත්වාගෙන යෑම සඳහා 9 දෙනෙකුගෙන් යුත් අතුරු කමිටුවක් පත් කරමින් ක්රීඩා සහ යෞවන කටයුතු අමාත්යවරයා විසින් ඊයේ(28) ගැසට් නිවේදනයක් නිකුත් කර තිබෙන බවට වාර්තා වෙනවා.
සී.ඒ.ජී. ද සොයිසා එම කමිටුවේ සභාපති ලෙස කටයුතු කරන අතර, ආචාර්ය ජයලත් ඉලංගකෝන් කමිටුවේ ලේකම්වරයායි.
ශ්රී ලංකා කරාතේ දෝ සම්මේලනයේ නිලවරණය පැවැත්වීම සඳහා 1973 අංක 25 දරණ ක්රීඩා පනත සහ වලංගු ක්රීඩා නියෝග අනුව එම සම්මේලනයෙහි විශේෂ මහ සභා රැස්වීමක් කැඳවා එමඟින් නිලවරණ කමිටුවක් ක්රීඩා සංවර්ධන දෙපාර්තමේන්තුවේ අධ්යක්ෂවරයා විසින් සිදුකළ යුතුයි.