මෙරට නව විශ්වවිද්‍යාල ඇතිවීම සම්බන්ධයෙන් හෝ පුද්ගලික විශ්වවිද්‍යාල ඇතිවීම සම්බන්ධයෙන් සිය පක්ෂය විරුද්ධ නොවන නමුත්, නිසි නියාමනයකින් තොරව මුදලට පමණක් උපාධි ලබාදෙන්නේ නම් ඊට එකඟ නොවන බව ශ්‍රී ලංකා නිදහස් පක්ෂයේ මහලේකම් දයාසිරි ජයසේකර රාජ්‍ය අමාත්‍යවරයා පවසනවා.
ඊයේ (03) මහරගම ප්‍රදේශයේ දී මාධ්‍ය අමතමින් ඒ මහතා පෙන්වා දුන්නේ රජයේ විශ්ව විද්‍යාල පද්ධතියට ඇතුළත් විය නොහැකි දරුවන් හට මුදල් ගෙවා හෝ උසස් අධ්‍යාපනය ලැබීමට ඉඩ තිබිය යුතු නමුත් එය සිදුවිය යුත්තේ විශ්ව විද්‍යාල ප්‍රතිපාදන කොමිසම හරහා පමණක් බවයි.
මේ අතර, කොතලාවල ආරක්ෂක විශ්වවිද්‍යාල පනත අධ්‍යයනය කිරීම සඳහා පත්කළ ශ්‍රී ලංකා නිදහස් පක්ෂ කමිටුවේ නිගමනය ජනාධිපති ගෝඨාභය රාජපක්ෂ මහතාගේ අවධානය සඳහා ඉදිරිපත් කර තිබේ.
එම කමිටුවේ සභාපති රංජිත් සියඹලාපිටිය මන්ත්‍රීවරයා විසින් අදාළ නිගමනය සහ සංශෝධන ඉදිරිපත් කර ඇති අතර කොතලාවල ආරක්ෂක විශ්වවිද්‍යාලය, විශ්වවිද්‍යාල ප්‍රතිපාදන කොමිසමේ නියාමනය හා පාලනයෙන් බැහැර නොකිරීම ඇතුළු කරුණු 04ක් සම්බන්ධයෙන් එම පක්ෂයේ අවධානය යොමුවී තිබේ.
අදාල ලිපිය පහතින්,
