මානව අයිතිවාසිකම් උල්ලංඝණය වන පරිදි සිදු කෙරෙන ප්රචණ්ඩත්වයක් නැවැත්වීම සඳහා පුර්ණ බලතල ඇති ජනාධිපති කොමිසමක් පත් කරන මෙන් අමාත්ය මණ්ඩලය විසින් ජනාධිපතිවරයාගෙන් ඉල්ලීමක් කර තිබෙනවා.
අමාත්ය මණ්ඩල තීරණ දැනුම්දීමේ මාධ්ය හමුවේදී විශේෂ ප්රකාශයක් සිදුකරමින් අමාත්ය බන්දුල ගුණවර්ධන මහතා මේ බව කියා සිටියේ අදට (09) වසරක් සැපිරීම සම්බන්ධයෙන් ප්රකාශයක් සිදු කරමිනි.
ලෝක ඉතිහාසයට දරුණු කළු පැල්ලමක් එක්කළ ප්රචණ්ඩත්වයේ ඛේදවාචකයට අදට වසරක් සපිරිණ බව පැවසු අමාත්යවරයා මෙවැනි තත්ත්වයක් යළි දිනක උදා නොවීමට අවශ්ය පියවර ගත යුතු බවද සඳහන් කළා.
“අපි ඉල්ලා සිටියා ජනාධිපතිතුමාගෙන් ප්රචණ්ඩ ප්රජාතන්ත්ර විරෝධී, තමන් කැමති ආගමක් අදහන්න, තමන් කැමති දේශපාලනයක් කරන්න, තමන් කැමති සංස්කෘතියක් වැළඳගන්න මනුෂ්යායට තියෙන අයිතිය ආණ්ඩුක්රම ව්යවස්ථාවෙන් තහවුරු කරලා තියෙන, මිනිස්සුන්ට නිදහසේ ගමන්බිමන් යාමට සහ තමන්ගේ නිවස තුළ ජීවත්වීමට තියෙන අයිතිය මානව අයිතිවාසිකම් උල්ලංඝනය වන ආකාරයෙන් කරන ප්රචණ්ඩත්වයන් නැවැත්වීමට පූර්ණ බලතල ඇති ජනාධිපති කොමිසමක් පත්කරන්න කියලා.”