2020 ඔලිම්පික් තරඟාවලියේ බොක්සිං තරඟ තීරක හා විනිසුරුවරියක් වශයෙන් ශ්‍රී ලංකා පොලීසියේ කාන්තා ප්‍රධාන පොලිස් පරීක්ෂකවරියක් තේරී පත්ව තිබේ.
ශිරෝමලා නිලධාරිනිය ශ්‍රී ලංකාව නියෝජනය කරමින් ජාත්‍යන්තර තරඟාවලියක් විනිශ්චය කළ පළමු කාන්තා බොක්සිං විනිසුරුවරිය ද වනවා.
ගාල්ල රිපන් බාලිකා විද්‍යාලයේ අධ්‍යාපනය ලබා 1997 වර්ෂයේ දී ආධුනික කාන්තා උප පොලිස් පරීක්ෂකවරියක් ලෙස පොලිස් සේවයට එක්ව තිබේ.
2017 වසරේදී ආසියාවේ දක්ෂතම බොක්සිං විනිසුරුට හිමි සම්මානය ද ඇය විසින් හිමිකරගෙන ඇති අතර ආසියානු කාන්තාවක් දක්ෂතම බොක්සිං විනිසුරු සඳහා සම්මාන ලබාගත් පළමු අවස්ථාව ලෙසද එය ඉතිහාස ගත වුණා.
යොවුන් පොදු රාජ්‍ය මණ්ඩලීය තරඟාවලිය, ඔලිම්පික් තේරීම් තරඟාවලිය, ආසියානු මහද්වීප බොක්සිං තරඟාවලිය, අග්නිදිග ආසියානු බොක්සිං තරඟාවලිය හා වෙනත් විවිධ ජාත්‍යන්තර බොක්සිං තරඟාවලි රැසක් විනිශ්චය කරමින් ඇය ශ්‍රී ලංකාවට මෙන් ම පොලීසියට ද ගෞරවයක් අත්කර දී ඇත.
