ජාත්යන්තර වශයෙන් විශාල ප්රසිද්ධියක් උසුළන සූපශාස්ත්ර තරඟාවලියක් වන බ්රිතාන්ය MasterChef හි ශූරතාවය දිනා ගැනීමට ලාංකික දමිළ තරුණයෙකු වන බ්රින් පිරතාබන් සමත්ව තිබෙනවා.
29 හැවිරිදි බ්රින් මෙම තරඟාවලියට ඉදිරිපත්වීමට පෙර බ්රිස්ටල්හි පශු වෛද්යවරයෙකු ලෙස සේවය කර තිබීමද විශේෂත්වයක්.
BBC TV විසින් මෙම තරඟාවලිය සංවිධාන කර තිබුණේ, 20 වැනි වරටයි.
විදෙස් මාධ්ය වාර්තා කළේ මෙවර මෙම තරඟාවලිය සඳහා තරගකරුවන් 57 දෙනෙකු එක්ව සිටි බවයි.
තමා කුඩා වියෙහි සිට මාස්ටර් චෙෆ් වැඩසටහන නැරඹූ බවත් ආහාර පිසීමට එක් හේතුවක් ලෙස මෙම වැඩසටහන හඳුන්වා දිය හැකි බවත් ඔහු ජයග්රහණයෙන් අනතුරුව අදහස් දක්වමින් පවසා තිබෙනවා.
“ලාංකික දමිළ සමාජයෙන් පැමිණෙන මට කිසිම දිනෙක නීරස ආහාර ගන්නට ලැබුනේ නැහැ. සෑම දවසකම වගේ අපේ කෑම මේසය පිරී තිබුණේ ප්රනීත ආහාරවලින්. මම හිතන්නේ මාව නිර්මාණය වෙන්නේ, මගේ පසුබිම. සංස්කෘතිය වගේම දෙමව්පියන් මට ලබා දුන් අවස්ථාවල එකතුවෙන්. එයාල මට දුන්න සහයෝගය ඉතාමත් වැදගත්. මේ ජයග්රහණය ඔවුන් වෙනුවෙනුත් ලබා ගත් එකක් විදියට මම දකිනවා”