හෝමාගම, දියගම පිහිටි මොරටුව විශ්වවිද්‍යාලයේ තාක්ෂණ විද්‍යා ආයතනය නේවාසිකාගාර ගොඩනැගිල්ලක සිව්වන මහලෙන් ඇද වැටුණු සිසුවා ජීවිතක්ෂයට පත්ව තිබෙන බවට වාර්තා වනවා.
කහතුඩුව පොලීසිය සඳහන් කළේ සිසුවා ජීවිතක්ෂයට පත්ව ඇති බවත් ඒ පිළිබඳව විමර්ශනය සඳහා විමර්ශන කණ්ඩායමක් පිටත්ව ගිය බවයි.
26 හැවිරිදි වියේ පසු වූ අදාළ සිසුවා ප්‍රතිකාර සඳහා හෝමාගම මූලික රෝහලටයි ඇතුළත් කර තිබුණා.
මෙම සිසුවා එම විශ්ව විද්‍යාලයේ තුන්වැනි වසරේ තොරතුරු තාක්ෂණය පිළිබඳව හදාරන අයෙක් වන අතර මොහු රිකිල්ලගස්කඩ ප්‍රදේශයේ පදිංචි අයෙක් බවයි වාර්තා වෙන්නේ.
