මනුෂ්‍ය ඝාතනයක් සිදු කිරීම සහ අත් බෝම්බයක් සන්තකයේ තබා ගත්තේ යැයි කියන චෝදනාව මත අත්අඩංගුවට ගෙන රැඳවුම් නිවසක රඳවා සිටි පාසල් සිසුවකු අපොස සාමාන්‍ය පෙළ විභාගයට පිළිතුරු සපයන අතරතුර බන්ධනාගාර නිලධාරීන්ගෙන් මිදි පළාගොස් තිබෙන බව පොලීසිය පවසනවා.
මෙසේ පලා ගොස් ඇත්තේ පානදුර දොඩංගහවත්ත බෙත්ම‍ෙගම ප්‍රදේශයේ පදිංචි සිසුවෙක් බවයි තොරතුරු වාර්තා වන්නේ.
පානදුර මහේස්ත්‍රාත් අධිකරණයේ නියෝගයකට අනුව මාකොළ පිරිමි ළමා රැදවුම් මධ්‍යස්ථානයේ රඳවා තිබෙනවා.
අපොස සාමාන්‍ය පෙළ විභාගයේ අවසන් දිනය වූ ඊයේ(08) බන්ධනාගාර නිලධාරීන්ගේ ආරක්ෂාව යටතේ විභාග මධ්‍යස්ථානය වෙත කැඳවාගෙන ගොස් තිබෙනවා.
සැකකාර ළමයා විභාගයට පෙනී සිටින අතර තුර ඔහුට වැසිකිලි යාමට අවශ්‍ය බව ශාලාධිපතිනිය දැනුම්දී ඇති අතර ඒ අනුව බන්ධනාගාර නිලධාරියා සැකකරු විභාග ශාලාව අසල පිහිටි වැසිකිළියට රැගෙන ගිය අවස්ථාවේ බන්ධනාගාර නිලධාරියා තල්ලුකර දමා ඔහු පළාගොස් ඇතැයි පොලීසිය සඳහන් කරනවා.
