ආසියානු කුසලානය හා බැඳුණු තවත් එදිරිවාදිකම් පිළිබඳ කතාංගයක් ලෙස බංග්ලාදේශය හා පාකිස්ථානය හැඳින්විය හැකියි. ආසියානු කුසලානයේ සුපිරි සිව්දෙනාගේ වටය ආරම්භ කරමින් ඔවුන් අද පිටියට පිවිසෙන්නේ 2019 ලෝක කුසලාන තරගාවලියෙන් පසු පළමු හමුවීම සනිටුහන් කරමින්.
ඉතිහාසය පුරා පාකිස්තානය හමුවේ පරාජයන් සමගින් පෙරබදින බංග්ලාදේශයේ අඳුරු මතක අතර තිබෙන්නේ 2012 හා 2014 ආසියානු කුසලාන අවසන් මහා තරග දෙක පමණක් නොවෙයි. මේ දක්වා පාකිස්ථානය හමුවේ එක්දින තරග 11කදී, ටෙස්ට් තරග 5කදී සහ 20/20 තරග 3කදී පරාජය වී ඇති බංග්ලාදේශය සිය එදිරිවාදියාට එරෙහිව ජයග්‍රහණයක් සොයමින් සිටිනවා.
කෙසේ වෙතත් එම ප්‍රතිඵල අද තරගයට එතරම් බලපෑමක් ඇති නොකරනු ඇත්තේ බංග්ලාදේශය මේ වන විට පන්දුවාර 50 ආකෘතියේ ශක්තිමත් ස්ථානයක සිටින බැවින්.ආසියානු කුසලානයේ සත්කාරකයන් වන පකිස්තානය ඔවුන්ගේ මව්බිමේ දී ක්‍රීඩා කරන අවසන් තරගය මෙය වන අතර ශ්‍රේණිගත කිරීම්හි අංක 1 හි රැඳෙන ඔවුන් සෑම අංශයකින්ම ඉහළ මට්ටමක් අත්පත් කරගෙන සිටිනවා.
ප්‍රධාන ක්‍රීඩකයන්ගේ ආබාධ හේතුවෙන් දැනටමත් දුර්වල වී ඇති බංග්ලාදේශය දැන් සිටින්නේ ඔවුන්ගේ වඩාත්ම දක්ෂතම හා ලකුණු අතර සිටි පිතිකරුවා වන නජ්මුල් හොසේන් ෂැන්ටෝ ද නොමැතිව යි. කෙසේ වෙතත්, ඉරිදා ඇෆ්ගනිස්ථානයට එරෙහිව විශිෂ්ට ජයග්‍රහණයක් ලබා ගත් ඔවුන්ට ලාහෝර් තණතීරුවේ හැසිරීම පිළිබඳ හොඳ අවබෝධයක් ඇතිවයි අද තරගයට එක්වන්නේ.
ක්‍රීඩා කළ හැකි කණ්ඩායම්
පාකිස්තානය ඔවුන්ගේ මුලික වටයේ තරග දෙකේදීම එකම කණ්ඩායමක් සමග ක්‍රීඩා කළ නමුත්, සුපිරි සිව්දෙනාගේ වටයේ දී එක් වෙනස්කමක් කරමින් මොහොමඩ් නවාස් වෙනුවට ෆහීම් අෂ්රෆ් කණ්ඩායමට එක් කරගෙන සිටිනවා.
ආබාධයකට ලක් වූ ෂැන්ටෝ වෙනුවට ලින්ටන් දාස් බංග්ලාදේශ කණ්ඩායමට එක් වනු ඇති.
පකිස්ථානය: 1 ෆකාර් සමාන්, 2 ඉමාම්-උල්-හක්, 3 බාබර් අසාම් (නායක), 4 මොහොමඩ් රිස්වාන් (කඩුලු රකින්නා), 5 අගා සල්මාන්, 6 ඉෆ්තිකාර් අහමඩ්, 7 ෂඩාබ් ඛාන්, 8 ෆහීම් අෂ්රෆ්, 9 ෂහීන් ෂා අෆ්රිඩි, 10 නසීම් ෂා, 11 හරිස් රවුෆ්.
බංග්ලාදේශය : 1 මොහොමඩ් නයිම්, 2 මෙහෙදි හසන් මිර්සා, 3 ලින්ටන් දාස්, 4 ශකිබ් අල් හසන් (නායක), 5 මුෂ්ෆිකර් රහීම් (කඩුලු රකින්නා), 6 තවුහිද් රිදෝයි, 7 ෂමීම් හුසෙන්, 8 අෆීෆ් හුසෙන්, 9 ටස්කින් අහමඩ්, 10 ෂරිෆුල් ඉස්ලාම්, 11 හසන් මහමුද්
