බදුල්ල කොළඹ ප්‍රධාන මාර්ගයේ උඩුවර 6 කණුව ප්‍රදේශයේ මාර්ගය අද (8) පස්වරුවේ නායයාමට ලක්වීමෙන් උඩුවර 6 කනුව ප්‍රදේශයේ මාර්ගයේ රථ වාහන ධාවනය එක් මංතීරුවකට සීමා කළ බව බව හාලිඇල පොලිසිය පවසනවා .
අද පස්වරුවේ පතිත වූ ධාරානිපාත වර්ෂාවත් සමඟ මෙසේ උඩුවර 06 කණුව ප්‍රදේශයේ දී ප්‍රධාන මාර්ගය අසල කොටසක් බදුලු ඔයට කඩා වැටී නායයාමට ලක්වුණා.
ආපදා කළමනාකරණ මධ්‍යස්ථානය සඳහන් කළේ නායයාමට ලක්වූ බදුල්ල කොළඹ ප්‍රධාන මාර්ගයේ කොටසක ඉරිතලා පුපුරා ගොස් ඇති අතර , ඒ අසල නාය ගිය ස්ථානයේ නාය යාම වර්ෂාවත් සමඟ තවත් සක්‍රීය වීමේ අවධානමක් තිබෙන බවයි.
විශේෂයෙන් වර්ෂාවත් සමඟ පස්කදු ගල්පර්වත ගස්කොළන් කඩා වැටී මේ අවධානමක් ද පවතින හෙයින් රථ වාහන පැදවීමේදී විමසිලිමත්ව දැඩි ආරක්ෂිත ව කල්පනාකාරීව රියපදවන ලෙසට පොලිසිය රථ වාහන රියදුරන් ට දැනුම් දෙනවා .
විදුලි කණු කඩා ගෙන යාම නිසාවෙන් උඩුවර ප්‍රදේශයේ ගම්මාන රැසක විදුලි බලය ඇනහිට තිබෙන බවට වාර්තා වනවා.
