රුපියලේ වටිනාකම 18.7%කින් වැඩිවෙලා

2023 වසරේ මැයි 19 වන දින දක්වා කාලය තුළදී ශ්‍රී ලංකා රුපියල එක්සත් ජනපද ඩොලරයට සාපේක්ෂව 18.7%කින් අතිප්‍රමාණය වී ඇති බව වාර්තා වනවා.

ශ්‍රී ලංකා මහ බැංකුව පවසන්නේ මෙම වකවානුව තුළදී අනෙක් ප්‍රධාන විදේශ ව්‍යවහාර මුදල් ඒකක කිහිපයකටම සාපේක්ෂව ද ශ්‍රී ලංකා රුපියල අතිප්‍රමාණය වී ඇති බවයි.

ඒ අනුව ජපාන යෙන් මුදල් ඒකකයට සාපේක්ෂව 24.1% කින්, ස්ටර්ලිං පවුමට සාපේක්ෂව 15.4%කින්, යුරෝ මුදල් ඒකකයට සාපේක්ෂව 17.5%කින් සහ ඉන්දියානු රුපියලට සාපේක්ෂව 18.7%කින් 2023 වසරේ මැයි 19 දක්වා කාලයේ දී ශ්‍රී ලංකා රුපියල අතිප්‍රමාණය වී තිබෙනවා.

කෙසේ වෙතත් 2022 වසරේ දී ශ්‍රී ලංකා රුපියල එක්සත් ජනපද ඩොලරයට සාපේක්ෂව 44.8%කින් අවප්‍රමාණය වුණා.